बुलडाणा- जिल्ह्यातील धार्मिक स्थळ सैलानी येथे सुरु असलेल्या राष्ट्रीय महामार्गाचे कामादरम्यान रस्त्याचे खोदकाम करताना घराचा एक मजला कोसळण्याची घटना रविवारी (दि. 24 नोव्हेंबर) घडली. सुदैवाने यात कोणतीही जीवितहानी झाली नाही. या घटनेने परिसरात मात्र, एकच खळबळ उडाली होती.
रस्त्याच्या खोदकामावेळी घर कोसळले
बुलडाणा जिल्ह्यात हातनी ते जालना जिल्ह्यातील भोकरदनपर्यंत राष्ट्रीय महामार्ग प्राधिकरणकडून या रस्त्याचे काम सुरू आहे. धार्मिक स्थळ सैलानीतून हा मार्ग जात आहे. त्यामुळे सैलानीमध्ये रस्त्याचे खोदकाम सुरू आहे. हे खोदकाम कुठे कमी तर कुठे जास्त करण्यात येत आहे. येथील मो. नफीस हाजी मो. अय्यूब यांच्या घराला कोरून रस्ता खोदण्यात आला.