बुलडाणा - बुलडाणा जिल्ह्यातील खामगाव सामान्य रुग्णालयात आयसोलेशन कक्षामध्ये परदेशातील त्या तीन कोरोना संशयीत रुग्णांना कोरोना नसल्याचे आलेल्या अहवालातून स्पष्ट झाले आहे. त्यांच्या कोरोना संदर्भातील अहवाल आरोग्य विभागाला प्राप्त झाले आहे.
खामगावातील त्या तिन्ही संशयितांचे रिपोर्ट निगेटिव्ह
मलेशिया आणि इंडोनेशियावरून आलेल्या तीन जणांना काही लक्षणे आढळल्याने तिन्ही रुग्णांना खामगाव येथील सामान्य रुग्णालय दाखल करून आयसोलेशन कक्षात उपचार सुरू करण्यात आले होते. या तिन्ही रुग्णांचे नमूने तपासणीसाठी नागपूर येथे पाठवण्यात आले असून त्याचा अहवाल प्राप्त झाला आहे. त्यावरून हे तिन्ही रुग्ण निगेटिव्ह आले आहे.