बुलडाण्यात बी.फार्मच्या विद्यार्थ्याची गळफास घेवून आत्महत्या

बी.फार्म अभ्यासक्रमाला द्वितीय वर्षात शिकत असलेल्या विद्यार्थ्याने आत्महत्या केल्याची घटना उघडकीस आली आहे. चिखली-जालना रोडवरील अंचरवाडी फाट्याजवळ एका झुडपात गळफास घेतलेल्या स्थितीत या विद्यार्थ्याचा मृतदेह आढळला.

बुलडाणा - बी.फार्म अभ्यासक्रमाला द्वितीय वर्षात शिकत असलेल्या विद्यार्थ्याने आत्महत्या केल्याची घटना उघडकीस आली आहे. चिखली-जालना रोडवरील अंचरवाडी फाट्याजवळ एका झुडपात गळफास घेतलेल्या स्थितीत या विद्यार्थ्याचा मृतदेह आढळला.

उमेद अंभोरे (वय, 20) असं आत्महत्या केलेल्या विद्यार्थ्याचे नाव आहे. उमेद हा चिखली येथील शिक्षक कॉलनीत कुटुंबासोबत राहत होता. अनुराधा इंजिनिअरिंग महाविद्यालयात बी.फार्म या अभ्यासक्रमात तो द्वितीय वर्षात शिकत होता. उमेद हा मागील तीन दिवसांपासून घरातील कोणालाही न सांगता निघून गेला होता. सोबत स्कुटी देखील घेवून गेला होता. उमेद हा तीन दिवसापासून बेपत्ता असल्याने कुटुंबीयांनी शोध घेण्यास सुरुवात केली. अखेर चिखली-जालना रोडवरील अंचरवाडी फाट्याजवळ उमेदचा मृतदेह एका झुडपाला लटकलेल्या स्थितीत आढळला. त्यामुळे परिसरात खळबळ उडली. उमेदच्या आत्महत्येचे कारण अद्याप कळाले नाही. पोलीस पुढली तपास करित आहे.