बुलडाणा - जिल्ह्यात बुलडाणा सामान्य रुग्णालयातील मॉक ड्रिलचा एक व्हिडीओ चांगलाच व्हायरल झाल्याचा धक्कादायक प्रकार घडला आहे. या व्हिडीओमुळे नागरिकांनध्ये बुलडाण्यात कोरोनाग्रस्त रुग्ण आढळल्याच्या अफवांनी जोर धरला आहे. तर, या सर्व प्रकारामुळे जिल्हा प्रशासनाचा बेजबाबदारपणाही समोर आला आहे.
अधिक माहिती देताना जिल्हा शल्यचिकित्सक डॉ. प्रेमचंद पंडित
कोरोनाचा रुग्ण रुग्णालयात आल्यावर काय-काय उपाय करावे, याबाबत बुलडाणा सामान्य रुग्णालयात शासनातर्फे प्रात्यक्षिक म्हणजे मॉक ड्रिल करण्यात आले होते. मात्र, या मॉक ड्रिलचा व्हिडीओ बुलडाण्यात कोरोनाग्रस्त रुग्ण आढळल्याच्या पोस्टसह व्हायरल करण्यात आला आहे. या अफवेमुळे जिल्ह्यात भीतीचे वातावरण पसरले आहे.