बुलडाणा- नेहमी आपल्या कविता ऐकवून, स्वतःला चर्चेत ठेवणारे केंद्रीय मंत्री रामदास आठवले यांनी, संयुक्त महाराष्ट्राच्या नवनिर्मितीमध्ये आपले मोलाचे योगदान देणाऱ्या लोकशाहीर अण्णाभाऊ साठे यांच्या गीताचे विडंबन केले होते. तर, पत्रकारांशी बोलताना मध्येच बँड वाजवला म्हणून वाजंत्रीना शिवीगाळ केली होती. या घटनांचा बुलडाणा जिल्ह्यात ठिकठिकाणी निषेध व्यक्त करत, बुलडाणा तालुक्यातील कोलवड या गावात आठवले यांच्या प्रतिमेला चपलांचे हार घालून जाळण्यात आले.
मातंग समाजातर्फे रामदास आठवले यांचा जिल्ह्यात ठिकठिकाणी निषेध - मंत्रीपद काढून घ्यावे
लोकशाहीर अण्णाभाऊ साठे यांच्या गीताचे विडंबन केल्याबद्दल बुलडाण्यामध्ये रामदास आठवले यांच्या प्रतिमेला जाळून त्यांचा निषेध व्यक्त केला. तर, जिल्ह्यातील मोताळा व मलकापूर येथेही रामदास आठवले यांचे मंत्रिपद काढून घ्यावे, अशी मागणी करणारे निवेदन देण्यात आले.
![मातंग समाजातर्फे रामदास आठवले यांचा जिल्ह्यात ठिकठिकाणी निषेध](https://etvbharatimages.akamaized.net/etvbharat/prod-images/768-512-4053328-thumbnail-3x2-buldana.jpg)
matang community protested against ramdas athavle in buldana
मातंग समाजातर्फे रामदास आठवले यांचा जिल्ह्यात ठिकठिकाणी निषेध
कोलवड येथे अॅड. प्रकाश गायकवाड, संजय तोताराम गायकवाड यांच्या नेतृत्वामध्ये सदर आंदोलन करण्यात आले. यावेळी शेकडोंच्या संख्येने मातंग समाजातील बांधव सहभागी होते. या आंदोलनात आठवलेंच्या प्रतिमेला भर रस्त्यात चपलांचा हार घालण्यात आला. तसेच, त्यांची प्रतिमा समाजाच्या वतीने जाळण्यात आली. तर दुसरीकडे मलकापूर, मोताळा येथे तहसीलदारांमार्फत केंद्र सरकारकडे निवेदन सादर करून आठवलेंवर कठोर कारवाईची मागणी करण्यात आली.
Last Updated : Aug 6, 2019, 8:19 AM IST