Buldhana Bus Accident : समृद्धी महामार्गावर विदर्भ ट्रॅव्हल्सचा भीषण अपघात, बसमधील 26 जणांचा होरपळून मृत्यू

समृद्धी महामार्गावर बसचा भीषण अपघात ( buldhana bus accident ) झाला असून या बस अपघातात तब्बल 26 जणांचा मृत्यू झाला आहे. ही बस नागपूरवरुन पुण्याला जात होती.

बुलडाणा : समृद्धी महामार्गावर विदर्भ ट्रॅव्हल्सची बस जळून खाक झाली असून या बसमधील 26 प्रवाशांचा जळून दुर्दैवी मृत्यू झाल्याने खळबळ उडाली. हा अपघात सिंदखेडराजा जवळ घडला असून ही बस नागपूरवरुन पुण्याकडे जात होती. मात्र सिंदखेडराजाच्या जवळ या बसचा भीषण अपघात झाला. या अपघातात तब्बल 25 प्रवाशांना आपला जीव गमवावा लागला आहे.

चालकाचे नियंत्रण सुटून बस खांबाला धडकली :नागपूरवरुन पुण्याला जाणाऱ्या बसच्या चालकाचे नियंत्रण सुटून बस खांबाला धडकली. त्यानंतर झालेल्या अपघातात तब्बल 25 नागरिकांना आपला जीव गमवावा लागला आहे. घटनास्थळी पोलीस अधीक्षक सुनिल कडासने आपल्या ताफ्यासह दाखल झाले आहेत. त्यांनी घटनेचा आढावा घेतला आहे. जिल्हा पोलीस अधीक्षक सुनिल कडासने यांच्यासह प्रशासनातील वरिष्ठ अधिकाऱ्यांनी घटनास्थळावर धाव घेतली आहे.

मृतांच्या नातेवाईकांना 5 लाखाची मदत :नागपूरवरुन पुण्याला जाणाऱ्या विदर्भ ट्रॅव्हल्सची खासगी बस खांबाला धडकून झालेल्या भीषण अपघातात 25 प्रवाशांचा मृत्यू झाला. हा अपघात शनिवारी रात्री दीड ते दोनच्या सुमारास पिंपळखुटा गावाजवळ घडली. अपघातात 25 प्रवाशांच्या झालेल्या मृत्यूमुळे खळबळ उडाली आहे. याप्रकरणी मुख्यमंत्री एकनाथ शिंदे यांनी या घटनेबाबत शोक व्यक्त केला. मुख्यमंत्री एकनाथ शिंदे यांनी मृतांच्या नातेवाईकांना पाच लाख रुपयाची मदत जाहीर केल्याची माहिती एका खासगी वृत्तवाहिनीसोबत बोलताना दिली.

एका चालकाचाही अपघातात मृत्यू :विदर्भ ट्रॅव्हलस्ची ही बस नागपूरवरुन पुण्याला जात होती. यावेळी विदर्भ ट्रॅव्हल्सच्या बससोबत दोन चालक होते. त्यापैकी एका चालकाने कारंजापर्यंत बस चालवत आणली. त्यानंतर दुसऱ्या चालकाने बसचा ताबा घेतला. त्यानंतर ही बस सिंदखेड राजा जवळील पिंपळखुटा येथे आल्यानंतर बसचा भीषण अपघात झाला. या बसमध्ये एक चालकही ठार झाला आहे. तर दुसरा चालक थोडक्यात बचावला आहे.

काचा फोडून प्रवाशी पडले बाहेर :समृद्धी महामार्गावर बसचा भीषण अपघात झाल्यानंतर 25 प्रवाशांचा मृत्यू झाला आहे. या अपघातात चार प्रवाशी बचावले आहेत. यातील बचावलेल्या प्रवाशांनी अपघातानंतर बसच्या काचा फोडून बाहेर धाव घेतल्यामुळे त्यांचा जीव वाचला आहे. त्यानंतर या प्रवाशांनी जखमी प्रवाशांना बाहेर काढण्यास मदत केली. मात्र घटनास्थळावर मृतदेहाचा खच पडल्याने बचावलेल्या प्रवाशांना नागरिकांनी तात्काळ रुग्णालयात दाखल केले आहे.

विदर्भ ट्रॅव्हल्सची खासगी बस :ही बस विदर्भ ट्रॅव्हल्सची खासगी बस असल्याची माहिती सूत्रांनी दिली आहे. बस नागपूरवरुन पुण्याला जात होती. या बसमध्ये 33 प्रवाशी प्रवास करत असल्याची माहिती मिळत आहे. मात्र सिंदखेड राजा परिसरात या बसचा भीषण अपघात झाला. अपघातात ही बस जळून खाक झाली. बसमधील प्रवाशी झोपेत असल्याने जास्त जीवितहानी झाल्याचा अंदाज वर्तवण्यात येत आहे.

घटनास्थळावर मृतदेहाचा खच :खासगी बसचा अपघात झाल्यानंतर घटनास्थळावर मृतदेहांचा खच पडला होता. समृद्धी महामार्गावर अपघात झाल्यानंतर स्थानिक गावकरी आणि प्रशासनाने घटनास्थळावर धाव घेत बचावकार्य सुरू केले. मात्र तोपर्यंत 25 प्रवाशांना आपला जीव गमवावा लागला आहे. बसमधील इतर जखमींना जवळच्या रुग्णालयात उपचारासाठी दाखल करण्यात आले आहे.

हेही वाचा -