बुलडाणा - लॉकडाऊनच्या काळात अटी, शर्तींच्या आधीन राहून देशी-विदेशी दारू दुकाने सुरू करण्याचा निर्णय झाला. आज सकाळपासूनच तळीरामांनी सागवान परिसरातील देशी दारूच्या दुकानांसमोर सोशल डिस्टन्सचे पालन करत रांगा लावल्या होत्या. यावेळी दुकानदारांनी तळीरामांचे हात सॅनिटायझरने स्वच्छ करून त्यांना दारू विक्री केली.
दारूसाठी तळीरामांची कमालीची शिस्त..! मास्क लावून सोशल डिस्टन्सिंग पाळत सकाळपासून रांगेत..
दारू मिळण्याच्या आनंदात सर्व तळीराम सकाळीच दारू दुकानांमध्ये पोहोचले. मात्र, दुकाने उघडली असली तरी इथेही दारू मिळवणे सोपे नव्हते. तोंडाला मास्क लावणे, रांगेत उभे राहणे, उभे असताना सोशल डिस्टन्सचे पालन करणे आवश्यक होते. इतक्या कठोर आराधनेनंतरच त्यांचे 'मदिरालय' त्यांना प्रसन्न होणार होते. यामुळे एरवी दारूसाठी आणि दारूमुळे तोल सुटणारे तळीराम कमालीच्या शिस्तीत होते.