चॉकलेटचं आमिष देऊन अडीच वर्षीय चिमुकलीवर अत्याचार; अल्पवयीन ताब्यात

Little Girl Rape Case : बुलडाणा जिल्ह्यात चॉकलेटचे आमिष देऊन अडीच वर्षीय बालिकेवर अत्याचार झाल्याची धक्कादायक घटना घडली आहे. (Rape with chocolate bait) यामध्ये आरोपीनं पीडितेला जीवे मारण्याचा प्रयत्न केला. यामुळे पीडित बालिकेची तब्येत खालावली आहे. (Rape and escape) तिला उपचारासाठी अकोला येथील वैद्यकीय रुग्णालयात उपचारार्थ भरती करण्यात आलंय. या घटनेने जिल्ह्यात खळबळ उडाली आहे. (Buldana Rape Case)

बुलडाणा Little Girl Rape Case : जिल्ह्यातील बोराखेडी पोलीस ठाण्याच्या हद्दीत ही घटना घडली आहे. गुरुवारी दुपारी ३ वाजेच्या सुमारास चॉकलेटचे आमिष देऊन एका 17 वर्षीय अल्पवयीन तरुणाने बालिकेवर अत्याचार केल्याचा धक्कादायक प्रकार समोर आला. तसेच तिला जीवे मारण्याचा प्रयत्न केला. आरोपीने बालिकेवर अत्याचार केल्यानंतर घटनास्थळावरून पळ काढला. बालिका बेशुद्ध झाली, मात्र तिला मृत समजून आरोपीनं पलायन केलं. सायंकाळी पाच वाजण्याच्या सुमारास पडक्या घराजवळून एक व्यक्ती जात असताना घरातून बालिकेचा आवाज आला. त्यानं घराची कडी उघडून पाहिल्यानंतर पीडित बालिका दिसून आली. त्यावेळी तिच्या शरीरातून रक्तस्त्राव होत होता.

अल्पवयीन तरुण पोलिसांच्या ताब्यात : त्यानंतर पीडित बालिकेला बुलडाणा येथील जिल्हा सामान्य रुग्णालयात उपचारासाठी दाखल करण्यात आलं. पोलिसांना घटनेची माहिती मिळताच बोरखेडी ठाणेदार बळीराम गिते पथकासह गावात दाखल झाले. आरोपीची माहिती घेत या अल्पवयीन तरुणाला ताब्यात घेण्यात आलं. याप्रकरणी बोराखेडी ठाण्यात गुन्हा दाखल करण्यात आलाय. सध्या बालिकेची तब्येत गंभीर आहे. या बालिकेला अकोला येथील रुग्णाल्यात भरती करण्यात आलंय.

छोट्या मुलीला खाऊ देण्याचं आमिष दाखवून एका 17 वर्षीय आरोपीने तिला पडक्या घरात नेलं आणि तिथे तिच्याशी शारीरिक संबंध प्रस्थापित केले. मुलीने ही घटना आई-वडिलांना सांगितली. त्यामुळे पोलीस तक्रार करण्यात आली. आरोपीला ताब्यात घेण्यात आलं आहे. मुलीची वैद्यकीय तपासणी करण्यात आली असून तिला रुग्णालयात तत्काळ हलविण्यात आलंय - सुनील कडासने, जिल्हा पोलीस अधीक्षक, बुलडाणा

गुन्हेगारांना कठोर शिक्षा व्हावी : महिला सुरक्षित राहाव्या याकरिता अनेक कायदे करण्यात आले. त्यामध्ये वारंवार कठोरता आणली आहे. पण, तरी देखील असे संतापजनक कृत्य समोर येत आहे. अशा गुन्हेगारांना कठोर शिक्षा व्हावी, याकरिता पावलं उचलणं गरजेचं आहे, अशा प्रतिक्रिया महिला वर्गातून येत आहेत.

हेही वाचा: