असदुद्दीन ओवैसींना नियोजन शून्य व्यवस्थेचा फटका; सभेत नागरिकांची नगण्य उपस्थिती

एमआयएमचे उमेदवार मोहम्मद सज्जाद यांच्या प्रचारार्थ खासदार असदुद्दीन ओवैसी हे गुरुवारी बुलडाण्यात आले होते. यावेळी नगण्य नागरिकांच्या उपस्थितीत त्यांनी सभेला संबोधित केले. विशेष म्हणजे खा.ओवैसी नियोजीत वेळेत आल्यानंतरही सभेत नागरिकांची उपस्थिती नसल्यामुळे ही सभा ३ तास उशिरा सुरू करण्यात आली.

बुलडाणा - एमआयएमचे खासदार असदुद्दीन ओवैसी यांना बुलडाण्यात आपल्याच पक्षाच्या उमेदवाराच्या नियोजन शून्य कारभाराचा फटका बसला आहे. बुलडाणा मतदारसंघाचे उमेदवार मोहम्मद सज्जाद यांच्या प्रचारार्थ गुरुवारी ते बुलडाण्यात आले होते. ही सभा एआरडी मॉलच्या समोरच्या मैदानात संपन्न झाली. यावेळी पक्ष आणि उमेदवाराच्या नियोजन शून्य कारभारामुळे सभेला उपस्थित नागरिकांची संख्या नगण्य होती. यामुळे ही सभा ३ तास उशिरा सुरू झाली.

वंचित बहुजन आघाडीची उमेदवारी न मिळाल्याने ऐनवेळी एमआयएमच्या चिन्हावर भारिप बहुजन महासंघाचे मोहम्मद सज्जाद हे विधानसभा निवडणूक लढवत आहे. यानिमित्त गुरुवारी सकाळी ११ वाजता बुलडाण्यात सभेचे आयोजन करण्यात आले होते. सज्जाद यांच्या प्रचारार्थ एमआयएमचे खा. असदुद्दीन ओवैसी हे गुरुवारी बुलडाण्यात दाखल झाले. मात्र, ओवैसी हे बुलडाण्यात येणार आहे, याचा प्रचार करण्यात जिल्हा पक्ष कमी पडल्याने सभास्थळी नागरिकांची उपस्थिती अत्यंत कमी होती. पक्षाचा आणि उमेदवाराचा नियोजन शून्य करभार पाहून ते अचंबित झाले. यावेळी त्यांनी नाराजी व्यक्त करत उमेदवार सज्जादला सुनावले असल्याची माहिती आहे. या नियोजनशून्य कारभारामुळे सदर सभा ही तब्बल ३ तास उशिरा सुरू झाली.

हेही वाचा - भाजपने फक्त आश्वासनांची खैरात वाटली; ओवैसींचे टीकास्त्र

ओवैसी बुलडाण्यात आल्यानंतर एक ते दीड तासांनी सभास्थळी पोहोचले. त्यानंतर नगण्य नागरिकांच्या संख्येमध्ये ही सभा पार पडली. ओवैसी यांनी आपले मनोगत व्यक्त केले. विशेष म्हणजे ओवैसी हे बुलडाण्यात येणार आहे, याचा प्रसार-प्रचार करण्यात एमआयएमचे उमेदवार मोहम्मद सज्जाद आणि जिल्हा पक्ष हे कमी पडल्याने या सभेत उपस्थितांची संख्या कमी पडली. तसेच त्यांच्या नियोजनाच्या अभावाची चर्चा बुलडाण्यात रंगली होती.

हेही वाचा - विकासासाठी सरकारला स्वस्थ बसू देणार नाही, खडसेंची खदखद