बुलडाणा- मेहकर ते डोणगाव रोडवर असलेल्या एका पेट्रोल पंपावर दरोडा टाकण्याच्या तयारीत असलेल्या पाच दरोडेखोरांना बुलडाणा स्थानिक गुन्हे शाखेच्या पोलिसांनी ताब्यात घेतले आहे.
ही कारवाई बुधवारी (२६ जानेवारी) रात्री करण्यात आली. संतोष सिताराम पवार (वय ३१ वर्षे, रा. चायगाव), राजू शिवाजी इंगळे (वय २५, रा. बारई पाचला), किरण सोपान चव्हाण (वय २० रा. बारई पाचला), किशोर मामा चव्हाण (वय ४६ रा. बारई पाचला) व आकाश प्रकाश पवार (वय २७ रा. खाखरखेर्डा, मुळ रा. बारई), अशी अटक करण्यात आलेल्या पाच दरोडेखोरांचे नावे आहेत.