बुलडाणा- उद्धव ठाकरे यांच्या वाढदिवसानिमित्त शनिवारी 27 जुलैला बुलडाण्यामध्ये माजी आमदार विजयराज शिंदे यांच्याकडून बेरोजगार तरुण-तरुणींसाठी रोजगार मेळाव्याचे आयोजन करण्यात आले. ज्यामध्ये 3 हजार बेरोजगारांची नोंद झाली असून 700 पेक्षा जास्त बेरोजगारांना रोजगार उपलब्ध झाला. त्यामुळे या तरुणांच्या चेहऱ्यावर आनंद फुलला होता. विशेष म्हणजे एकाच छताखाली वेगवेगळ्या 52 कंपन्यांचे प्रतिनिधींमार्फत मुलाखती घेण्यात आल्या आणि त्यांना याच ठिकाणी नियुक्तीपत्र देण्यात आले.
शिवसेना पक्षप्रमुखांच्या वाढदिवसानिमित्त बुलडाण्यात रोजगार मेळावा शिवसेना पक्षप्रमुख उद्धव ठाकरे यांच्या वाढदिवसानिमित्त बुलडाण्यात गजानन मंदिराजवळील राजे मंगल कार्यालयात शनिवारी शिवसेनेचे माजी आ. शिंदे यांच्याकडून रोजगार मेळाव्याचे आयोजन करण्यात आले होते. यावेळी एकाच छताखाली वेगवेगळ्या ५२ कंपन्यांचे प्रतिनिधी मार्फत मुलाखती घेण्यात आल्या आणि त्यांना याच ठिकाणी नियुक्तीपत्र देण्यात आले. रोजगारासाठी भटकंती करणाऱ्या बेरोजगारांना मुंबई-पुणे सारख्या शहरात जाऊन रोजगार शोधावा लागतो. मात्र, या मेळाव्यामुळे कंपनीच आपल्या दारात आल्याने अनेक बेरोजगारांच्या चेहऱ्यावर हास्य उमटले होते. यामुळेच माजी आ. विजयराज शिंदे यांनी रोजगार मेळाव्याचे आयोजन केल्याने अनेक तरुण-तरुणींनी त्यांचे आभार व्यक्त केले.
