बुलडाणा -भाजपचे ज्येष्ठ नेते एकनाथ खडसे यांनी भाजपला रामराम करून राष्ट्रवादीत प्रवेश केल्यानंतर राष्ट्रवादी काँग्रेसच्या पदाधिकाऱ्यांनी बुलडाण्यात आज फटाके फोडून मोठा जल्लोष साजरा केला. यावेळी कार्यकर्त्यांकडून जोरदार घोषणाबाजी करण्यात आली.
खडसेंच्या प्रवेशानंतर बुलडाणा राष्ट्रवादी काँग्रेसच्या पदाधिकाऱ्यांनी स्थानिक जयस्तंभ चौकात फटाक्यांची आतिषबाजी करीत आनंदोत्सव साजरा केला. यावेळी 'नाथाभाऊ तुम आगे बढो हम तुम्हारे साथ है' अशा घोषणाबाजीही पदाधिकाऱ्यांनी केली.
खान्देश, मराठवाडा व विदर्भासाहित बुलडाणा जिल्ह्यात राष्ट्रवादीची ताकद वाढेल, असा विश्वास जिल्हा राष्ट्रवादीचे उपाध्यक्ष नरेश शेळके यांनी व्यक्त केला. ते म्हणाले की, जिल्हा राष्ट्रवादी पक्षाकडून एकनाथ खडसेंचे पक्षात स्वागत आहे. पक्ष हा तळागाळात पोहोचण्यासाठी खडसे व शरद पवार यांच्यामुळे मदत होणार आहे. आम्ही एकनाथ खडसे यांचा नेहमी मान ठेवू.