बुलडाणा: जिल्हा आरोग्य अधिकाऱ्यांकडून कोरोना लसीकरणाचे आवाहन

गेल्या दहा महिन्यांपासून देशभरात कोरोनाचा प्रादुर्भाव होता. मात्र आता कोरोनाची लस उपलब्ध झाल्याने मोठा दिलासा मिळाला आहे. लसीकरणाला सुरुवात झाली असून, पहिल्या टप्प्यात आरोग्य कर्मचाऱ्यांचे लसीकरण सुरू आहे. याच पार्श्वभूमीवर मंगळवारी जिल्हा आरोग्य अधिकारी डॉ. बाळकृष्ण कांबळे यांनी लसीकरण केले. ही लस पूर्णपणे सुरक्षीत असून, प्रत्येक नागरिकाने कोरोनापासून बचावासाठी ही लस घ्यावी असे आवाहन त्यांनी यावेळी केले.

बुलडाणा -गेल्या दहा महिन्यांपासून देशभरात कोरोनाचा प्रादुर्भाव होता. मात्र आता कोरोनाची लस उपलब्ध झाल्याने मोठा दिलासा मिळाला आहे. लसीकरणाला सुरुवात झाली असून, पहिल्या टप्प्यात आरोग्य कर्मचाऱ्यांचे लसीकरण सुरू आहे. याच पार्श्वभूमीवर मंगळवारी जिल्हा आरोग्य अधिकारी डॉ. बाळकृष्ण कांबळे यांनी लसीकरण केले. ही लस पूर्णपणे सुरक्षीत असून, प्रत्येक नागरिकाने कोरोनापासून बचावासाठी ही लस घ्यावी असे आवाहन त्यांनी यावेळी केले. त्यांच्यासोबत जिल्हा क्षय आरोग्य अधिकारी डॉ. मिलिंद जाधव यांनीही यावेळी लस घेतली.

16 जानेवारीपासून लसीकरण मोहीम हाती घेण्यात आली आहे. बुलडाणा जिल्ह्यातील सहा केंद्रांवर लसीकरण करण्यात येत असून, पहिल्या टप्प्यात आरोग्य कर्मचाऱ्यांचे लसीकरण करण्यात येत आहे. आज आरोग्य अधिकारी डॉ. बाळकृष्ण कांबळे यांनी ही लस घेतली. कोरोनाची लस पूर्णपणे सुरक्षीत असून, प्रत्येक नागरिकाने ही लस घ्यावी असे आवाहन त्यांनी यावेळी केले.

दुपारी 3 वाजेपर्यंत 339 जणांचे लसीकरण

बुलडाणा जिल्ह्यात सहा केंद्रांवर कोरोना लस देण्याची व्यवस्था करण्यात आली आहे. मंगळवारी दुपारी तीनपर्यंत जिल्ह्यात 339 आरोग्य कर्मचाऱ्यांचे लसीकरण करण्यात आले होते. यामध्ये बुलढाणा जिल्हा सामान्य रुग्णालयामध्ये 18, चिखली ग्रामीन रुग्णालयात 57, देऊळगाव राजा आरोग्य केंद्रात 70, खामगाव उपजिल्हा सामान्य रुग्णालयात 83, मलकापूर उपजिल्हा सामान्य रुग्णालयात 41, शेगाव उपजिल्हा सामान्य रुग्णालयात 70 आरोग्य कर्मचाऱ्यांना लस देण्यात आली.