अनुकंपा तत्त्वावर 31 उमेदवारांना पालकमंत्र्यांच्या हस्ते पोलीस शिपाईं पदाची नियुक्ती पत्रे

अनुकंपा तत्त्वावर भरतीतील उमेदवारांना पोलीस शिपाई या पदावर नेमणूक देण्यात आली आहे. अशा सर्वांना पालकंत्र्यांच्या हस्ते नियुक्ती प्रमाणपत्र प्रदान करण्यात आले. पोलीस दलात ३१ जणांना नियुक्ती प्रमाणपत्रे देण्यात आली.

बुलडाणा -समाजात कायदा व सुव्यवस्था अबाधित ठेवून शांती प्रस्थापित करणे आवश्यक असते. त्यामुळे सामाजिक स्वास्थ्य टिकून राहून प्रगती होते. तरी नवीन भरती होणाऱ्या पोलिसांनी ही बाब प्रकर्षाने लक्षात ठेवली पाहिजे. कायदा व सुव्यवस्था अबाधित राखण्यासाठी पोलिसांनी सदैव तत्पर रहावे, असे आवाहन पालकमंत्री डॉ राजेंद्र शिंगणे यांनी आज अनुकंपा तत्वावर पोलीस शिपाई पदावर नेमणूक करण्यात आलेल्या शिपाईंना केले.

स्थानिक प्रभा सभागृह येथे अनुकंपा तत्वावर पोलीस शिपाई पदावर नेमणूक देण्यात आलेल्या कर्मचाऱ्यांना नियुक्ती प्रमाणपत्र प्रदान करण्याचा कार्यक्रम आज शनिवारी 13 फेब्रुवारी रोजी आयोजित करण्यात आला होता. त्यावेळी पालकमंत्री डॉ शिंगणे बोलत होते.

आपल्या मनोगतामध्ये पोलीस भरती प्रक्रियेबाबत माजी गृहमंत्री दिवंगत आर.आर.पाटील यांची आठवण पालकमंत्री डॉ.शिगणेंनी काढत पोलीस भरती प्रक्रिया पारदर्शकता आणली तसेच आर. आर. पाटील यांनी पोलिस यंत्रणा बळकट करण्यासाठी प्रयत्न केले. गुणवत्तेच्या आधारावर निवड होणे ही बाब ती उमेदवारांच्या बाबतीत महत्वाची असते, असेही ते यावेळी म्हणाले.पोलीस पदक प्राप्त झालेल्यांचा सत्कार -पोलीस विभागातून पोलीस अंमलदार या पदावरून पोलीस उपनिरीक्षक पदावर एमपीएससी विभागीय परीक्षेतून निवड झालेले अंमलदार यांचा व राष्ट्रपती गुणवत्तापूर्ण पोलीस पदक राखीव पोलीस उपनिरीक्षक राजेश नगरूरकर यांना जाहीर झाल्याबद्दल त्यांचाही पालकमंत्री डॉ. राजेंद्र शिंगणे यांच्याहस्ते सत्कार करण्यात आला. पोलीस अंमलदारमध्ये रमेश दळवी, नानाभाऊ काकड, विष्णू बोडखे, शेख अख्तर, शेख सत्तार व संदीप बालोद यांचा समावेश आहे. अनुकंपा तत्त्वावर 31 जणांना देण्यात आली नियुक्ती-अनुकंपा तत्त्वावर भरतीतील उमेदवारांना पोलीस शिपाई या पदावर नेमणूक देण्यात आली आहे. अशा सर्वांना पालकमंत्र्यांच्या हस्ते नियुक्ती प्रमाणपत्र प्रदान करण्यात आले. पोलीस दलात ३१ जणांना नियुक्ती प्रमाणपत्रे देण्यात आली. कार्यक्रमाप्रसंगी पोलीस अधीक्षक अरविंद चावरीया यांनी प्रास्ताविक करून कार्यक्रमा मागील आयोजनाची भूमिका विषद केली. याप्रसंगी जिल्हा पोलिस अधीक्षक अरविंद चावरिया, अप्पर पोलीस अधीक्षक बजरंग बनसोडे आदी उपस्थित होते. संचलन पोलीस शिपाई निलेश रत्नपारखी यांनी तर आभार अप्पर पोलीस अधीक्षक बनसोडे यांनी केले. कार्यक्रमाला पोलीस अधिकारी, कर्मचारी मोठ्या संख्येने उपस्थित होते.