भंडारा- जिल्ह्यातील तापमानात कमालीची वाढ होत असून सोमवारी पारा हा ४४ अंशापर्यंत पोहोचला होता. एप्रिलमध्ये तापमानात एवढी वाढ झाली तर मे महिण्यात परिस्थिती या पेक्षा अधिक बिकट होण्याची शक्यता आहे. पुढचे काही दिवस तापमानात अशीच वाढ होणार असल्याचा अंदाज हवामान खात्याने वर्तवला आहे. वाढत्या उन्हामुळे भंडारेकर चांगलेच हैराण झाले आहेत.
भंडारा जिल्ह्यात उन्हाचा कहर, तापमान ४४ अंशावर
मागील आठवड्यात भंडारा जिल्ह्यातील तापमान ३८ अंश होते. त्यानंतर हवामान खात्याने २३ तारखेपासून मध्यम ते तीव्र उष्ण लहरी तयार होणार असल्याचा अंदाज व्यक्त केला होता. तेव्हापासूनच तापमानात सतत वाढ होत आहे.