भंडारा- मंगळवारी (दि. 12 मे) पहाटेच्या सुमारास तहसीलदार आणि त्यांच्या पथकावर हल्ला करण्यात आला होता. या प्रकरणी चौघांविरोधात जीवे मारण्याचा प्रयत्न यांसह इतर कलमान्वये गुन्हा दाखल करण्यात आला आहे. या दोन टिप्पर चालक व दोन मालकांचा समावेश असून चौघांनाही पवनी पोलिसांनी अटक केली आहे.
चारही आरोपी नागपूर येथील रहिवासी आहेत. मंगळवार (दि. 12मे) सकाळी 6 वाजेच्या सुमारास अवैध वाळू वाहतूक करणाऱ्या दोन टिप्परला तहसीलदारांनी पकडले होते. टिप्पर चालकांना पुढील कारवाईसाठी टिप्पर तहसील कार्यालयात जमा करण्यास सांगितले. मात्र, आरोपींनी टिप्परने तहसीलदाराचे वाहन चिरडण्याचा प्रयत्न केला आणि घटनास्थळावरून पळ काढला होता. याप्रकरणी तहसीलदार गजानन कोकड्डे यांनीनी पोलीस ठाण्यात रितसर तक्रार दिली होती.