भंडारा- कोविड रुग्णालयात रुपांतरित करण्यात आलेल्या अशोका हॉटेलच्या पहिल्या मजल्यावरून एका कोरोना रुग्णाने उडी घेतली आहे. या घटनेत रुग्णाचा पाय फ्रॅक्चर झाला असून त्याला उपचारासाठी नागपूरला हलवण्यात आले आहे. याप्रकरणाची चौकशी केल्यानंतर बोलू असे जिल्हाधिकाऱ्यांनी सांगितले आहे.
माहिती देतान ईटीव्ही भारत प्रतिनिधी
१९ सप्टेंबरला भंडारा शहरातील बाबा मस्तानशाह वॉर्डातील ४५ वर्षीय व्यक्तीला कोरोना झाल्याचे समोर आले होते. त्यानंतर त्याला उपचाराकरिता अशोका हॉटेल येथील कोरोना सेंटरमध्ये भरती करण्यात आले. उपचारासाठी रुग्णाकडून जवळपास एक लाख रुपये घेण्यात आले. मात्र, इतका खर्च करूनही डॉक्टरांकडून योग्य उपचार मिळला नाही. त्यामुळे, कोरोनाबाधित रुग्णाने रुग्णालयाच्या पहिल्या मजल्यावरून उडी घेतली व स्वत:ला जखमी केले. रुग्णाला पुढील उपचारासाठी नागपूर येथे हलवण्यात आले आहे.