बीड- शहरात अनेक ठिकाणी रस्त्याच्या मध्यभागात मोठमोठे खड्डे पडले आहेत. याचा त्रास सर्वसामान्य जनतेला होत आहे. अनेकवेळा रस्ता दुरुस्तीची मागणी करून देखील बीड नगरपालिका दुर्लक्ष करत असल्याने शनिवारी बीड शहरात महिला भाजपच्यावतीने 'डबके आंदोलन' करण्यात आले. यावेळी महिलांनी चक्क डबक्यातील पाण्यात बसून नगरपालिका विरोधात घोषणाबाजी केली.
महिला भाजपच्यावतीने बीड नगरपालिकेच्या कारभाराविरोधात आंदोलन
बीड नगरपालिकेकडून शहरातील नागरिकांच्या मुलभूत सुविधांकडे दुर्लक्ष केले जात असल्याचा आरोप मोठ्या प्रमाणात होऊ लागला आहे. याला सर्वस्वी जबाबदार नगरपालिकेचे नगराध्यक्ष डॉक्टर भारतभूषण असल्याचा आरोप महिला भाजप आघाडीच्या अॅड संगीता धसे यांनी केला आहे.