बीड -राज्याच्या इतर भागांसोबतच बीड जिल्ह्यातही कोरोना संसर्ग वाढू लागला आहे. या पार्श्वभूमीवर बीडचे जिल्हाधिकारी रवींद्र जगताप यांनी प्रतिबंधात्मक आदेश दिले आहेत. त्यानुसार ३१ मार्चपर्यंत जिल्ह्यातील आठवडी बाजार, यात्रा बंद करण्यात आल्या असून खासगी कोचिंग क्लासेस देखील ३१ मार्चपर्यंत बंद ठेवण्याचे आदेश देण्यात आले आहेत.
बीड जिल्ह्यात कोरोनाचा संसर्ग वाढत असल्याचे चित्र आहे. या पार्श्वभूमीवर कोरोना संसर्गावर नियंत्रण ठेवण्यासाठी प्रतिबंधात्मक उपाययोजना अधिमाकडकपणे राबविल्या जाणार आहेत. त्यासाठी जिल्हाधिकारी रवींद्र जगताप यांनी नवी नियमावली जाहीर केली आहे. त्यानुसार आता गृह विलगीकरणातील व्यक्तींच्या हातावर शिक्के मारण्यात येणार आहेत. सार्वजनिक स्वरुपाचे मेळावे आणि संमेलने बंद करण्यात येत आहेत.
खासगी कोचिंग क्लासेस, यात्रा, आठवडी बाजार ३१ मार्चपर्यंत बंद राहणार आहेत. शहरी भागात कंटेनमेंट झोनचा निर्णय मुख्याधिकारी तर ग्रामीण भागात तालुका आरोग्य अधिकारी घेणार आहेत.