बीडमध्ये शनिवारी आढळले 3 जण कोरोना पॉझिटिव्ह; 39 अहवाल निगेटिव्ह

शनिवारी पॉझिटिव्ह आलेले 3 आणि यापुर्वीचे सक्रिय 30 असे मिळून 33 रुग्ण सध्या जिल्ह्यात उपचार घेत आहेत. या पैकी 6 रुग्णांना उपचारासाठी पुण्यात हलविले आहे, तर एक मृत्यू झाला आहे. तर अन्य एक रुग्ण बरा झालेला आहे.

बीड- जिल्ह्यातून शनिवारी 43 स्वॅब तपासणीसाठी प्रयोगशाळेकडे पाठवले होते. त्यामध्ये तीन जण कोरोना पॉझिटिव्ह आढळून आले आहेत. जिल्ह्यातील कुंडी, वडवणी व बीड येथील रुग्ण कोरोना पॉझिटिव्ह आले आहेत, डॉक्टर अशोक थोरात यांनी सांगितले.

बीड जिल्ह्यातून शनिवारी 43 स्वॅब तपासणीसाठी प्रयोगशाळेकडे पाठविण्यात आले. त्यापैकी 3 जणांचे अहवाल पॉझिटिव्ह आले असून 39 निगेटिव्ह आले आहेत. तर 1 व्यक्तीच्या स्वॅब अनिर्णायक आहे. यापूर्वी 6 स्वॅबबाबतही कुठलाच निष्कर्ष निघालेला नव्हता. आता ते सहा स्वॅब आज रात्री प्रयोगशाळेकडे पाठविले जाणार आहेत.

शनिवारी पॉझिटिव्ह आलेले 3 आणि यापूर्वीचे सक्रिय 30 असे मिळून 33 रुग्ण सध्या जिल्ह्यात उपचार घेत आहेत. 6 रुग्ण पुण्यात हलविले असून एका रुग्णाचा मृत्यू झाला आहे. तर अन्य एक रुग्ण बरा झालेला आहे.

बीडच्या त्या रुग्णाने गाठले थेट जिल्हा रुग्णालय-
बीड शहरात आढळलेला रुग्ण हा पालवण चौकातील असून तो मुंबईहून येतानाच त्याला लक्षणे आढळून आल्याने तो घरी न जाता थेट जिल्हा रुग्णालयात गेलेला आहे. तर वडवणीत आढळलेला रुग्ण हा पुर्वीच्या एका रुग्णाच्या संपर्कातील आहे. तर कुंडी येथील रुग्णही पुर्वीच्याच रुग्णाच्या संपर्कातील आहे, अशी माहिती आरोग्य विभागाने दिली आहे.