बीड - भाजप सरकारच्या काळात खूप चांगली कामे झालेली आहेत. भाजप सरकारने जे लोकहिताचे निर्णय घेतलेले आहेत, ते महाविकास आघाडी सरकारने बदलू नये, असे आवाहन भाजप नेत्या पंकजा मुंडे यांनी केले आहे.
लोकहिताचे निर्णय तरी या सरकारने बदलू नयेत
थेट जनतेतून सरपंच निवडीचा निर्णय हा खूप लोकप्रिय निर्णय आहे. राज्याच्या ग्रामविकास मंत्र्यांच्या जिल्ह्यातून आणि बारामतीतील ग्रामपंचायतींमधूनही याला पाठिंबा मिळाला होता, त्यामुळे हा निर्णय बदलने चुकीचे आहे, असे पंकजा मुंडे म्हणाल्या.
बीड जिल्हा पुन्हा एकदा गुंडगिरीकडे वाटचाल करत आहे, असा टोला पंकजा मुंडे यांनी नामोल्लेख न करता पालकमंत्री धनंजय मुंडे यांना लगावला. बीडची जनता परळीत होत असलेल्या घडामोडी बारकाईने पाहत आहे. चुकीचे काम करणाऱ्यांना जनता कधीच माफ करत नसते, असे सांगत पंकजा मुंडे यांनी नामोल्लेख न करता पालकमंत्री धनंजय मुंडे यांना टोला लगावला.