परळी-गंगाखेड रसत्यावर विचित्र अपघात; एक जण जागीच ठार

सुनील उदावंत आपले मित्र उमेश टाक यांच्यासोबत परळीकडे येत होते. परळी - गंगाखेड रस्त्यावरील औष्णिक विद्युत केंद्राच्या मिनी स्टोअर समोर आले असता सोमरून येणाऱ्या दुचाकीने त्यांना जोरदार धडक दिली.

परळी वैजनाथ ( बीड) - परळी ते गंगाखेड रस्त्यावर दोन दुचाकींचा विचित्र अपघात झाल्याची घटना घडली. या अपघातात एकजण जागीच ठार झाला असून एक जण गंभीर जखमी झाला आहे. सुभाष उदावंत (35) असे मृत व्यक्तीचे नाव आहे.

एक ठार एक जण जखमी
सुनील सुभाष उदावंत आपले मित्र उमेश टाक यांच्यासोबत परळीकडे येत होते. परळी - गंगाखेड रस्त्यावरील औष्णिक विद्युत केंद्राच्या मिनी स्टोअर समोर आले असता सोमरून येणाऱ्या दुचाकीने त्यांना जोरदार धडक दिली. ही धडक इतकी जोरात होती की धडकेनंतर सुनील बाजूने जाणाऱ्या टँकरखाली गेले. या अपघातात सुनील यांचा जागीच मृत्यू झाला. तर उमेश टाक गंभीर जखमी झाले असून त्यांना उपचारासाठी उपजिल्हा रुग्णालयात दाखल करण्यात आले आहे. अपघाताची माहिती मिळताच पोलिसांनी घटनास्थळी धाव घेत पंचनामा केला आहे. पोलिसांनी दुचाकी आणि टँकर ताब्यात घेतले आहे.