धक्कादायक! पुजेपूर्वीच नवविवाहितेचा शॉक लागून मृत्यू; गुरुवारी होते सत्यनारायण

सातजन्म बरोबर राहण्याचे वचन देऊन त्या दोघांनी लग्न करून एका नव्या आयुष्याला सुरुवात केली. मात्र, सोळाव्यापूर्वीच ते दोघे एकमेकांपासून कायमचे दुरावले गेले.

बीड- सातजन्म बरोबर राहण्याचे वचन देऊन त्या दोघांनी लग्न करून एका नव्या आयुष्याला सुरुवात केली. मात्र, सोळाव्यापूर्वीच ते दोघे एकमेकांपासून कायमचे दुरावले गेले. ही दुर्दैवी घटना घडली आहे गेवराई तालुक्यात मादळमोही येथे. पंधरा दिवसापूर्वी विवाह झालेल्या वीस वर्षीय तरुणीचा आज सोळावा होता. मात्र, नियतीला मंजुर नसल्याने बुधवारी सकाळी घर साफ करताना नवविवाहितेचा कुलरचा शॉक लागून मृत्यू झाला.

कोमल संजय शेलार (वय २० वर्ष रा.मादळमोही) हिचा गुरुवारी सोळावा व सत्य नारायण पूजा होती. मात्र, बुधवारी तीच्या राहात्या घरात सकाळी साडेनऊ वाजण्याच्या सुमापास कुलरमध्ये विद्युत प्रवाह उतरल्याने शॉक बसल्याने तीचा मृत्यू झाल्याची दुख:द घटना घडली. या घटनेमुळे हळहळ व्यक्त होत आहे. पंधरा दिवसापूर्वीच लग्न झालेल्या जोडीला आज एक साथीदार गमवावा लागला. याबाबत आकस्मिक मृत्यूची नोंद दाखल करण्याची प्रकिया सुरू आहे.