बीड-जगभर ख्रिसमस मोठ्या उत्साहात साजरा होत आहे. मात्र, बीड जिल्ह्यातील ख्रिश्चन समाजावर ख्रिसमसच्या दिवशी आनंदत्याग आंदोलन करण्याची वेळ आली आहे. अनेक वर्षांपासून प्रलंबित असलेल्या मागण्यांसाठी त्यांनी जिल्हाधिकारी कार्यालयासमोर आंदोलन केले. या आंदोलनात लहान मुलांनीही सहभाग घेतला होता.
ख्रिसमसच्या दिवशीच आनंदत्याग आंदोलन
बीड शहरातील ख्रिश्चन समाजाच्या स्मशानभूमीचा प्रश्न अनेक वर्षांपासून प्रलंबित आहे. वारंवार प्रशासनाकडे याबाबत पाठपुरावा करूनही जिल्हा प्रशासनाने त्याकडे दुर्लक्ष केले आहे. विधिमंडळात ख्रिश्चन समाजाचा एकही प्रतिनिधी नाही, याशिवाय ख्रिश्चन समाज आर्थिक विकास महामंडळ स्थापन करून समाजातील वंचित कुटुंबांना विकासाच्या मुख्य प्रवाहात आणावे ही मागणी या समाजाची आहे.