'पुण्यातील कोरोनाग्रस्ताच्या संपर्कात आलेल्या 'त्या' तिघांमध्ये कोरोनाची लक्षणे नाहीत'

बीड येथील एकाच कुटुंबातील तिघांमध्ये कोरोना विषाणूची लक्षणे नसल्याचे स्पष्ट झाल्याचे जिल्हा रुग्णालय प्रशासनाने सांगितले आहे. मात्र, यानंतरही सावधगिरी म्हणून या तिघांवर पुढील २८ दिवस करडी नजर ठेवण्यात येणार आहे.

बीड- दुबईहून महाराष्ट्रात आलेल्या काही नागरिकांपैकी पुण्यामधील दोघांना कोरोनाची लागण झाल्याचे स्पष्ट झाले आहे. त्या पुण्याच्या दोघांबरोबर बीड येथील एकाच कुटुंबातील तिघे त्या विमानात होते. या तिघांच्या तपासणीनंतर सुदैवाने त्यांना कोरोनाची लागण झाली नसल्याचे सिद्ध झाले आहे. यामुळे सर्वांनीच सुटकेचा निःश्वास टाकला आहे.

'त्या' तिघांमध्ये कोरोनाची लक्षणे नाहीत

बीड जिल्ह्यातील या तीन व्यक्तींबाबत राज्य सरकारने तत्काळ जिल्हा रुग्णालय प्रशासनाला पत्र पाठवले होते. याद्वारे त्या कुटुंबातील व्यक्तींची नावे पाठवून त्यांची तपासणी करण्याच्या सूचना दिल्या होत्या. त्यानुसार, तातडीने पावले उचलल्यानंतर या तिघांमध्ये कोरोना विषाणूची लक्षणे नसल्याचे स्पष्ट झाल्याचे जिल्हा रुग्णालय प्रशासनाने सांगितले आहे. मात्र, यानंतरही सावधगिरी म्हणून या तिघांवर पुढील २८ दिवस करडी नजर ठेवण्यात येणार आहे.

पर्यटनासाठी 48 जण दुबईला गेले होते. ते परतले आहेत. त्यातील पुण्याच्या दोघांना कोरोना लागण झाली. त्यांच्यासोबत बीडमधील तीन पर्यटकही होते. त्यांची कोरोना चाचणी निगेटिव्ह आली असली तरी पुढील 28 दिवस आरोग्य विभाग त्यांच्यावर करडी नजर ठेवून असणार आहे. यादरम्यान त्यांच्यात कोरोनाची लक्षणे आढळल्यास त्यांना ताबडतोब उपचारांसाठी दाखल करून घेतले जाणार आहे. यातील आठ ते दहा दिवसाचा कालावधी उलटून गेला आहे. अजून 18 दिवस त्यांच्यावर लक्ष ठेवले जाणार आहे. घाबरण्याचे कोणतेही कारण नसल्याचे आरोग्य विभागाने स्पष्ट केले आहे.

हेही वाचा - ...अन् आमदार पतीच्या ढोलकीवर खासदार नवनीत राणा यांनी धरला ठेका

हेही वाचा - कोरोना विषाणूच्या सावटाखाली पुण्यात धुळवड साजरी