गंगापूर - तालुक्यातील देवळी येथील एका बावीस वर्षीय युवकाचा ट्रॅक्टरवरील ताबा सुटल्यामुळे ट्रॅक्टर रस्त्याच्या कडेला खोदलेल्या खड्ड्यात पलटी होऊन झालेल्या दुर्घटनेत ट्रॅक्टरखाली दबल्याने त्याचा जागीच मृत्यू झाला. ही घटना मंगळवारी रात्री घडली आहे. बापू रमेश तायडे (वय २२ रा.देवळी ता.गंगापूर) असे अपघातात मृत्यू झालेल्या युवकांचे नाव आहे.
ट्रॅक्टर खड्ड्यात पलटी होऊन देवळी येथील युवकाचा मृत्यू - Death of youth at Deoli
ट्रॅक्टर खड्ड्यात पलटी होऊन देवळी येथील युवकाचा जागीच मृत्यू झाला. ही घटना मंगळवारी रात्री घडली आहे.
ट्रॅक्टर खड्ड्यात पलटी होऊन युवकाचा मृत्यू
गाजगाव-गवळीशिवरा रोडवरील वामन चौकातून देवळीकडे जाणाऱ्या रस्त्यावर शेतातून नांगरणी करून घरी जाताना रस्त्याच्या कडेला भल्या मोठ्या खोदलेल्या खड्ड्यात सदरील टॅक्टर चालकाचा ताबा सुटल्यावर टॅक्टर पलटी झाला.
शिल्लेगाव पोलिसांनी घटनास्थळाचा पंचनामा केला. पोलीस ठाण्यात आकस्मात मृत्यूची नोंद करण्यात आली आहे. बापू तायडे यांच्या मृत्यूने देवळी गावावर शोककळा पसरली आहे.