औरंगाबाद - वाळूज एमआयडीसी येथे सोमवार (ता.४) दुपारी गुन्हे शाखेच्या पथकाने कारवाई केली. यावेळी ग्रामपंचायत निवडणुकीच्या पार्श्वभूमीवर अवैधरित्या शस्त्र बाळगणाऱ्या दोघांना जेरबंद केले. दरम्यान, त्यांच्याकडे असलेला मुद्देमाल जप्त करण्यात आला आहे.
एमआयडीसी वाळुज औरंगाबाद येथेल कोलगेट कंपनी जवळ अमोल देशमुख यांना गुप्तबातमीदार मार्फत माहिती मिळाली, की साई केक शॉपचा मालक हा अवैधरित्या पिस्तुल बाळगून आहे. गुप्तबातमीदाराने दिलेली माहीती वरिष्ठांना सांगून, त्यांनी दिलेल्या सूचनेप्रमाणे जयभवानी चौक एमआयडीसी वाळुज येथे असलेल्या साई केक शॉप मध्ये छापा टाकण्यात आला. यावेळी दुकानात असलेल्या लाकडी फर्निचरमध्ये एक अग्निशस्त्र (पिस्तुल), मॅगझीन व दोन जिवंत काडतुसे मिळून आली.