औरंगाबाद- करमाड जवळील रेल्वे अपघातात ठार झालेल्या मजुरांच्या चौकशीसाठी व इतर मदत कार्यासाठी मध्यप्रदेशचे उच्चस्तरीय अधिकाऱ्यांची एक पथक औरंगाबादेत दुपारी विशेष विमानाने दाखल झाले आहे. अपघातात जखमींची मध्यप्रदेश सरकारच्या मंत्री मीना सिंह यांनी भेट घेतली. घटना दुर्दैवी असून आज रात्री मृतांचे मृतदेह रेल्वेने पाठवण्यात येणार असल्याची माहिती मीना सिंह यांनी दिली.
औरंगाबादहून रात्री एक रेल्वे जबलपूरला जात आहे. त्या रेल्वेने मृतदेह नेले जाणार आहेत. तेथून शववाहिकेने प्रत्येकाच्या गावाला मृतदेह पाठवण्यात येतील, अशी माहिती मंत्री मीना सिंह यांनी दिली. त्या म्हणाल्या ही घटना अत्यंत धक्कादायक आहे. शासनाकडून विविध जिल्ह्यात अडकलेल्या मजुरांसाठी वाहतूकीची व्यवस्था करण्यात येत आहे. मध्यप्रदेशचे जे नागरिक महाराष्ट्र तसेच इतर राज्यात अडकले आहेत. त्यांच्यासाठी केंद्र आणि राज्य सरकार आपापल्या परीने प्रयत्न करत आहेत. त्यामुळे पायी चालत किंवा सायकलवर कोणीही आपल्या गावी जाऊ नये, असे आवाहन त्यांनी केले.
हेही वाचा -लॉकडाऊनची संहारकता.. औरंगाबादजवळ १६ परप्रांतीय मजुरांना मालगाडीने चिरडले, एक गंभीर
