पैठणमध्ये तब्बल दिड महिन्यांनंतर अटी आणि शर्थीनुसार दुकाने सुरू

नगर परिषद आणि तालूका प्रशासनाने पैठण शहर हद्दीत काही अस्थापनांना अटी व शर्ती लागू करत ग्राहकांना सेवा देण्यास शूक्रवारी रात्री सोशल मीडियाच्या माध्यमातून हिरवा कंदील दाखविल्यानंतर दुकानदारांनी आज स्वच्छता करून व्यवहार सुरू केले.

पैठण (औरंगाबाद) - नगर परिषद आणि तालूका प्रशासनाने पैठण शहर हद्दीत काही अस्थापनांना अटी व शर्ती लागू करत ग्राहकांना सेवा देण्यास शूक्रवारी रात्री सोशल मीडियाच्या माध्यमातून हिरवा कंदील दाखविला. त्यानूसार अत्यावश्यक सेवांच्या दवाखाने, मेडिकल स्टोअर्स, किराणा दुकाना, भाजीपाला केंद्र, पिठाच्या गिरण्या याशिवाय अन्य काही दुकाने सुरू होण्याचा मार्ग मोकळा झाला.

काही दुकानदारांनी शनिवारी सकाळी सात वाजताच आपल्या दुकानांची स्वच्छता करूनच उघडली. यामध्ये अनेक दूकाने जवळपास ४५ दिवसांनी प्रथमच उघडली आहेत. यामध्ये पादत्राणे, जनरल स्टोअर्स व शैक्षणिक साहित्य दुकानांचा प्रामुख्याने समावेश होता. सायंकाळी सात वाजेपर्यंत या दुकाने सुरू राहणार आहेत. या दूकानासमोर सोशल डिस्टन्सिंग नियमांचे काटेकोरपणे पालन करण्याच्या व त्या दॄष्टीने अवश्यक खबरदारी उपाययोजना तातडीने कार्यान्वित करण्याच्या सूचनाही प्रशासनाने दिल्या आहेत.

फिरत्या रिक्षावरील ध्वनीक्षेपकावरून नागरिकांना व विक्रेत्यांना सॅनिटायझरसह मास्कच्या संदर्भात मार्गदर्शक आवाहन केले जात आहेत. प्रत्त्येक हालचालींवर तहसीलदार चंद्रकांत शेळके व मूख्याधिकारी सोमनाथ जाधव यांच्या नियंत्रणात विविध पथके नजर ठेवून आहेत.

मुख्याधिकारी जाधव यांनी अनेक किराणा दुकाना ठिकाणी अचानक भेटी देऊन पाहाणी केली व अवश्यक त्या उपाययोजना बाबतीत सुचनाही दिल्या आहेत. विनाकारण विनाकामाशिवाय घरातून बाहेर पडलेल्यांना, रस्त्यावर आलेल्यांना आता प्रशासन आगळ्यावेगळ्या पद्धतीने शिक्षा देणार आहेत. तर परवानगी नसलेल्या दुकानांच्या ठिकाणी प्रशासनाकडून विविध फिरती व बैठ्या पथकामार्फत चोवीस तास करडी नजर ठेवली जाणार आहे. पूढच्या दहा दिवसांत. यासाठी ड्रोन कॅमेऱ्याची मदतही घेतली जावू शकते असेही प्रशासनाकडून सांगण्यात आले आहे.