औरंगाबाद - साई बाबांच्या जन्मस्थानाचा वाद आता न्यायालयात जाणार आहे. याबाबत पाथरी साई समिती ५ फेब्रुवारीला औरंगाबाद खंडपीठात याचिका दाखल करणार असल्याची माहिती आमदार बाबाजानी दुर्रानी यांनी औरंगाबादेत दिली.
पाथरी येथे साई बाबांचे जन्मस्थान असल्याचे अनेक पुरावे आहेत, ते आम्ही सादर करू. शिर्डीच्या लोकांनी एक तरी पुरावा सादर करावा ते आर्थिकदृष्ट्या विचार करत आहेत. परंतु, भावनिकदृष्ट्या विचार करायला हवा, असे बाबाजानी दुर्रानी यांनी सांगितले.
हेही वाचा - 'मराठवाडा वॉटर ग्रीड योजनेबाबत तपासणी करावी लागणार'
साई चरित्रात साई बाबांचा जन्म पाथरीत झाल्याचे पुरावे आम्ही सादर करू. सरकारी गॅजेटमध्येही साई बाबांचा जन्म पाथरीत झाल्याचा उल्लेख आहे. साई बाबा संत होते, त्यांचा जन्म कुठे ना कुठे झालेला आहे. रामाचा, कृष्णाचा जन्म झाला, त्यांचेही ठिकाण आहे. ते तिथेच आहेत मग साई बाबांचा जन्म जिथे झाला ते ठिकाण का बदलावं. त्यामुळे आम्ही आमचं म्हणणं न्यायालयात मांडण्याचं ठरवलं आहे. त्यामुळे आम्ही बुधवारी ५ फेब्रुवारीला न्यायालयात जाणार असल्याची माहिती बाबाजानी दुर्रानी यांनी औरंगाबादेत दिली.
हेही वाचा - भाजपला शिवसेनेसोबत जाण्याचे शहाणपण अगोदर का नाही सुचले?