औरंगाबाद- दिवाळीच्या खरेदीवर मंदीचे सावट दिसून आले आहे. दिवाळीच्या एक दिवसआधीपर्यंत फटाका बाजारात मंदी दिसून आली. जिल्ह्यात सतत पडणारा पाऊस देखील त्यासाठी कारणीभूत असल्याचे समजले आहे. यावर्षी फटाका व्यापाराला जवळपास ३० ते ४० टक्के नुकसान होईल, अशी शक्यता व्यापाऱ्यांनी व्यक्त केली आहे.
औरंगाबादमध्ये फटाका व्यापार मंदावला आहे. तेथील फटाका बाजारातील काय परिस्थिती आहे याचा आढावा घेतला आहे 'ईटीव्ही भारत' प्रतिनिधी यांनी
दिवाळी म्हटलं की फटाका व्यापाऱ्यांची चांदी समजली जाते. मात्र, याच दिवाळीत फटाका व्यापाऱ्यांची दिवाळी निघाल्याचे दिसून येत आहे. दिवाळीच्या चार दिवसा आधी फटाका बाजार सुरू झाला असला तरी, म्हणावी तशी गर्दी अद्याप बाजार पेठेत दिसली नाही. फटाका बाजारात कोट्यवधींचे फटाके येऊन पडले असले तरी अद्याप म्हणावी तशी विक्री होत नसल्याने फटाका व्यापाऱ्यांची चिंता वाढली आहे.