औरंगाबाद- आयपीएलच्या क्रिकेट सामन्यावर सट्टा चालवणारा तसेच सामन्यावर सट्टा लावणारा अशा चौघांना जिन्सी पोलिसांनी शनिवारी रात्री अटक केली. त्यांच्याकडून मोबाईलसह २४ हजार रोकड जप्त करण्यात आली आहे. गणेश कचरू व्यवहारे ( वय ३५, रा. ग. नं ५, हनुमान नगर), मनोज दगडा अशी अटक केलेल्या आरोपींची नावे आहेत.
जुना मोंढा भागात व्हाट्सअ‌ॅपच्याद्वारे आयपीएलच्या क्रिकेट सामन्यावर सट्टा लावला जात असल्याची माहिती जिन्सी ठाण्याचे उपनिरीक्षक दत्ता शेळके यांना मिळाली. माहितीची शहानिशा करून त्यांनी ही माहिती वरिष्ठांना कळवली. त्यानंतर जुना मोंढा भागात छापा टाकत गणेश व्यवहारेला ताब्यात घेतले. त्यानंतर सट्टा लावण्यासाठी भाव कोण पाठवतो, याची विचारणा केली, सुरुवातीला त्याने उडवा उडवीची उत्तरे दिली. त्याला पोलिसी खाक्या दाखवताच त्याने व्हाट्सअ‌ॅपच्याद्वारे मनोज दगडा भाव पाठवत असल्याचे सांगितले.