Pooja Salve Burning Case : गजानन मुंडे, पूजा साळवे यांच्या जळीत प्रकरणाचा अहवाल कुलगुरूकडे; त्रास दिल्याचे झाले स्पष्ट

गजानन मुंडे, पूजा साळवे यांच्या जळीत प्रकरणाचा अहवाला समितीने डाॅ. बाबासाहेब आंबेडकर मराठवाडा विद्यापीठाचे कुलगुरू डाॅ. प्रमोद येवले यांना सादर केला आहे. समितीने जळीत प्रकरणात तीन प्राध्यापक तसेच एका निरीक्षकावर ठपका ठेवला आहे.

औरंगाबाद : डाॅ. बाबासाहेब आंबेडकर मराठवाडा विद्यापीठ जळीत प्रकरणी समितीने अहवाल सादर केला असून, तीन प्राध्यापक तसेच एका निरीक्षकावर ठपका ठेवण्यात आला आहे. समीतीने चार पानांचा अहवाल कुलगुरू प्रमोद येवले यांना सादर केला असून त्यात काही बाबी नमूद करत यंत्रणेवर ताशेरे ओढले आहेत. मयत गजानन मुंडे, पूजा साळवे यांच्यातील वादाची कल्पना असूनही त्याबाबत वरिष्ठांना माहिती दिली नाही, आले आहे. पोलिसांनी दिलेल्या अहवालात नमूद करण्यात आले आहे.

संशोधक मैत्रिणीसोबत घेत स्वतः घेतले जाळून : डाॅ. बाबासाहेब आंबेडकर मराठवाडा विद्यापीठ संशोधन करणाऱ्या गजानन मुंडे यांनी 21 नोव्हेंबर 2022 रोजी शासकीय विज्ञान प्रयोग शाळेत स्वतःच्या अंगावर ज्वलनशील पदार्थ ओतून पेटवून घेतले होते. त्यानंतर त्याची मैत्रीण संशोधक विद्यार्थ्यांनी पूजा साळवे हिला प्राध्यापकाच्या केबिनमध्ये मिठी मारली होती. या घटनेत दोघे भीषण भाजले होते. गजानन मुंडे 98 टक्के भाजला होता तर, पूजा साळवे 55 टक्के भाजली होती. मुंडे यांचा मृत्यू 21 नोव्हेबर रोजी तर, पूजाचा मृत्यू 15 जानेवारीला घाटीत झाला होता. याप्रकरणी पूजाच्या नातेवाईकांनी सखोल चौकशीची मागणी केली होती. पोलिसांनी तपास अहवाल दिला असून, त्यामध्ये तीन प्राध्यापक एक अधिकारी तसेच शासकीय विज्ञान संस्थेतील एका प्राध्यापकाला या वादाची माहिती असल्याचे समीतीने दिलेल्या अवहालात म्हटले आहे.

पोलिसांनी तपासले पुरावे :गजानन मुंडे, पूजा साळवे या दोघांबाबत अनेक चर्चा रंगल्या होत्या. दोघे प्रेमी युगुल असल्याचे सांगण्यात येत होते. मात्र, मिळालेली माहिती चुकीची असल्याचा दावा पूजेच्या कुटुंबियांनी केला होता. पूजा हुशार विद्यार्थिनी असून गजानन तिच्या मागे लागला होता. तिने याबाबत वारंवार तक्रार देखील दिल्या आहेत असे कुटुंबीयांनी सांगितले होते. त्यानंतर पोलिसांनी एक वर्षाचा कालावधीतील मुंडे यांचा फोनचा तपशील तपासला. यात अनेक वेळा दोघांचा संभाषण झाल्याचे दिसले. दोघांचे एकत्रित फोटो देखील समोर आले. मात्र, पूजाकडे असलेल्या पेन ड्राईव्हमध्ये गजानन त्रास देत असल्याचे पुरावे सापडले. त्यात गजाननच्या आई-वडिलांसोबत झालेल्या संभाषणाचा एक पुरावा पोलिसांना मिळाला त्यावरून पोलिसांनी आपला अहवाल सादर केला.

विद्यापीठावर ताशेरे :मयत गजानन मुंडे, पूजा साळवे दोघेही विद्यापीठात संशोधन करत होते. त्याबाबत तक्रार दिल्यावर, या घटनेबाबत विद्यापीठाने ठोस पावले का उचलली नाहीत याबाबत अनेक संघटनांनी आरोप केले होते. मात्र, विद्यापीठातर्फे एक चौकशी समिती स्थापन करण्यात आली होती. त्या समितीने दिलेल्या अहवालात विद्यापीठाची या घटनेची संबंध नसून ही घटना विद्यापीठाच्या परिसरात घडली नसल्याचे अहवालात सांगण्यात आले होते. मात्र, त्या अहवालात अनेक त्रुटी असल्याचे आता समोर आले आहे. तर, गजानने देखील तिला धमकी देऊन अशाप्रकारे जाळून घेण्याचा प्रयत्न केला होता, हे देखील समोर आले आहे.

पूजा साळवीचा कुटुंबियांनी केली होती तक्रार :गजानन मुंडे वारंवार त्रास देत असल्याने पूजा साळवेच्या कुटुंबियांनी पोलिसात त्याबाबत तक्रार दिली होती. त्यानंतरही घटना घडल्यानंतर दोघांना प्रेमीयुगुल म्हणून संबोधण्यात येत होते. त्यामुळे पूजा साळवेचे कुटुंबीय त्रस्त झाले होते. त्या मुलाशी तिचा काहीही संबंध नसताना त्यांचे प्रेम संबंध असल्याचे सांगण्यात येत असल्याने साळवे कुटुंबीयांनी पोलिसांना त्याबाबत तक्रार दिली होती. यामुळे पूजाची बदनामी होत असून, न्याय मिळावा यासाठी कुटुंबीय आग्रही होते. पूजाचा मृत्यू झाल्यावर कुटुंबीयांनी घाटी रुग्णालयात आंदोलन केले होते. त्यावेळी त्यांना न्याय मिळेल असे आश्वासन पोलिसांकडून देण्यात आले. त्यामुळे आंदोलन मागे घेत पूजावर अंत्यविधी करण्यात आले होते.

हेही वाचा -Twitter New CEO: ट्विटरच्या सीईओ पदावर एलन मस्क यांनी बसवला कुत्रा.. निशाणा नेमका कुणावर..?