औरंगाबाद- ऑटोमोबाईलच्या दुकानाला अचानक आग लागल्याने दुकानातील लाखो रुपयांचा माल जळून खाक झाला आहे. ही घटना आज सकाळी साडेसात वाजेच्या सुमारास पुंडलिकनगर परिसरातील हिंदू राष्ट्र चौकात घडली. शॉर्टसर्किटमुळे दुकानाला आग लागल्याची शक्यता वर्तविण्यात येत आहे.
आगीच्या विळख्यात सापडलेल्या दुकानाचे दृश्य
मनोज सुदाम सूर्यवंशी (न्यू शांतिनिकेतन कॉलोनी, औरंगाबाद) यांचे पुडलीक नगर परिसरातील हिंदुराष्ट्र चोक येथे मनोज ऑटोमोबाईल नावाने दुकान आहे. आज सकाळी या बंद दुकानाला अचानक आग लागली. सुरुवातीला किरकोळ आग असल्याने शेजारील दुकानदारांनी सूर्यवंशी यांना आगीची माहिती दिली व अग्निशमन दलालाही बोलावून घेतले. मात्र, सूर्यवंशी घरातून दुकानात पोहोचेपर्यंत आगीने रौद्ररूप धारण करून संपूर्ण दुकानाला विळख्यात घेतले होते.