गंगापूर (औरंगाबाद) -शहरातून जाणाऱ्या कायगाव ते देवगाव व वैजापूर ते बिडकीन या महामार्गाचे काम सुरू आहे. दोन्ही महामार्ग गंगापूर शहरातून जाते आहे. अनेक ठिकाणी अर्धवट काम झाले आहे. सोमवारी (31मे) झालेल्या जोरदार पावसाने अपूर्ण काम असलेल्या ठिकाणी मोठ्या प्रमाणात पावसाचे पाणी साचले होते. यामुळे वाहनचालकांना मोठी कसरत करावी लागत होती.
गंगापूर शहरातील माहामार्गावर साचले पावसाचे पाणी, नागरिक त्रस्त
गंगापूर शहरातील छत्रपती शिवाजी महाराज चौक, राजीव गांधी चौक, महाराणा प्रताप चौकात रस्त्याच्या अपूर्ण कामामुळे पावसाचे पाणी साचले होते. हा शहरातील मुख्य रस्ता असल्याने मोठ्या मालवाहू वाहनांमुळे वाहतूक कोंडी होते. यामुळे रस्त्याचे काम लवकरात लवकर पूर्ण करावे, अशी मागणी नागरिकांकडून होत आहे.