औरंगाबाद - कन्नड शहरातील ग्रामीण रुग्णालयात उपचार घेत असलेल्या दोन उपचार घेत असलेल्या दोन कोरोना रुग्णांना डिस्चार्ज देण्यात आला आहे. धनगरवाडी (औराळा) व जैतापुर येथील हे रुग्ण आहेत आहेत. कन्नड तालुक्यात आत्तापर्यंत आठ कोरोनाबाधित रुग्ण आढळून आले आहेत.
तर आज तालुक्यातील ताडपिंपळगाव येथील एका पुरुषाचा व शहरातील चाळीसगाव रोडवरील बिस्मिल्ला कॉलनीतील एका महिलेचा अहवाल कोरोना तपासणीसाठी पाठवण्यात आला आहे.
तर आज रविवारी धनगरवाडी व जैतापूर येथील दीर-भावजय अशा दोन कोरोनामुक्त रुग्णांना डिस्चार्ज देण्यात आला. याबरोबरच आज नव्याने दोघांचे स्वॅब तपासणीसाठी पाठवण्यात आले असल्याची माहिती वैद्यकीय अधिकारी डॉ. प्रवीण पवार यांनी दिली आहे.
कोरोनामुक्त रुग्नांना पुष्प देऊन व टाळयांच्या गजरात निरोप देण्यात आला. याप्रसंगी वैद्यकीय अधिकारी डॉ. प्रवीण पवार, परिचारिका ज्योति गिरी, शेख अकीला, विलास उंडे, बी. के. जाधव, चालक शेख रशीद, श्रीमान पांडव यांची उपस्थिती होती.