औरंगाबाद- मराठवाड्याचा पाणी प्रश्न आम्ही जवळपास सोडवला आहे. तसेच जलयुक्त शिवार योजना ही जनतेच्या मनातली आहे. त्यामुळे ती बंद करु नका. विभागाला पाणी मिळाले नाही, तर आज उपोषण आहे. उद्या रस्त्यावर आल्याशिवाय राहणार नाही, असा इशारा विधानसभा विरोधी पक्षनेते देवेंद्र फडणवीस यांनी सरकारला दिला.
मराठवाड्यात शेतकऱ्यांच्या आत्महत्या केवळ सिंचन नसल्याने होत आहेत. मराठवाड्याच्या पाचवीला दुष्काळ पुजलेला आहे. आपल्या आधी 15 वर्षे आघाडी सरकार होते, त्यावेळी मराठवाड्यावर अन्याय झाला. एक थेंबही हक्काचे पाणी दिले नाही. गोपीनाथ मुंडे उपोषणाला बसले होते. त्यावेळी आश्वासन दिले होते. मात्र, सर्व पाणी पश्चिम महाराष्ट्रात वळवले, असा आरोप देवेंद्र फडणवीस यांनी केला.
देवेंद्र फडणवीस, विरोधी पक्षनेते