औरंगाबाद -शहरातील घाटी रुग्णालयात 34 वर्षीय कोरोनाबाधित रुग्णाने गोंधळ घालत तोडफोड केल्याची धक्कादायक घटना घडली. डॉक्टर व आरोग्य कर्मचाऱ्यांना शिवीगाळ करीत सलाईनचे स्टँड फेकून मारले. या घटनेमुळे घाटीतील सुपर स्पेशालिटी वॉर्डात गोंधळ उडाला. या प्रकरणी घाटी चौकीत नोंद करण्यात आली आहे.
कोरोना रुग्णाची घाटीत तोडफोड
आयसीयूतील उपचारानंतर प्रकृती सुधारल्याने रुग्णाला साधारण वार्डात हलविण्यात आले. कोरोना बरा झालेला असला तरी रुग्णाला कावीळझालेला आहे. त्यावरही उपचार सुरु आहेत. उपचार सुरु असताना रविवारी रुग्णाची अचानक मानसिक स्थिती ढासळली. त्याने स्टूलने दरवाजाच्या काचेची तोडफोड केली. हा प्रकार लक्षात येताच कर्मचाऱ्यांनी रुग्णांवर नियंत्रण मिळविले. या प्रकरणी बेगमपुरा पोलीस ठाण्यात तक्रार देण्यात आली आहे, अशी माहिती विशेष कार्य अधिकारी डॉ. सुधीर चौधरी यांनी दिली.