औरंगाबाद - कन्नड तालुक्यातील जेहूर बस स्टँडजवळ रात्री 10 वाजता अज्ञात व्यक्तीने टायर पेटवून दिल्याने नजीकच्या किराणामाल दुकानास आग लागली. संबंधित दुकान निलेश संजय पवार यांचे असून आगीमुळे गोडेतेलाने पेट घेतला. यामुळे फ्रिज, साखर पोते, शेगादाण्याच्या गोणी असा मोठ्या प्रमाणात माल जळून खाक झालाय.
कन्नडमध्ये किराणामालाच्या दुकानाला आग; अज्ञाताविरोधात गुन्हा दाखल आग विझवण्यासाठी त्या ठिकाणी उपस्थित तरुणांनी प्रयत्न केला. मात्र, संपूर्ण माल बेचिराख झाला होता. सकाळी अकरा वाजता अज्ञात आरोपी विरोधात गुन्हा दाखल करण्यात आला आहे. जेहूर सजाचे तलाठी राम दूधभाते यांनी संबंधित प्रकरणाचा पंचनामा केला असून पुढील तपास देवगाव रंगारी पोलीस ठाण्याचे साहाय्यक पोलीस निरीक्षक संजय आहीरे यांच्या मार्गदर्शनाखाली पोलीस हेड काँस्टेबल सुदाम साबळे करत आहेत.
