औरंगाबाद - घरात खेळत असताना अचानक चक्कर आल्याने गरम भाजीच्या भांड्यावर पडून ३ वर्षीय बालकाचा मृत्यू झाला आहे. सोमवारी सायंकाळच्या सुमारास चिकलठाणा भागातील पुष्पक गार्डन परिसरात ही घटना घडली. हर्ष संतोष गाधू असे मृत चिमुकल्याचे नाव आहे.
हे वाचलत का? - गोंदियात घराच्या छतावरून पडून २४ वर्षीय तरुणीचा मृत्यू, एप्रिल महिन्यात झाला होता साखरपुडा
हर्षल घरात खेळत होता. तसेच आई घरकामात व्यस्त होती. आईने रात्रीचे जेवण बनवून जमिनीवर ठेवले होते. त्याचवेळी हर्षलला अचानक चक्कर आली आणि तो खाली ठेवलेल्या गरम भाजीच्या भांड्यावर पडला. त्यामुळे त्याचा चेहरा, डोके भाजले गेले. त्याला तातडीने चिकलठाणा घाटी रुग्णालयात दाखल करण्यात आले. त्याठिकाणी प्रथमोपचार करून शासकीय घाटी रुग्णालयात हलवण्यात आले. मात्र, तेथे उपचारादरम्यान त्याचा मृत्यू झाला. याप्रकरणी एमआयडीसी सिडको पोलीस ठाण्यात अकस्मात मृत्यूची नोंद करण्यात आली.
