मुनगंटीवार स्वप्न पाहतायेत... पाहू द्या!

भारतीय जनता पक्ष अजूनही शिवसेनेसोबत महाराष्ट्रात सरकार स्थापन करण्यास तयार आहे, असे वक्तव्य भाजप नेते सुधीर मुनगंटीवार यांनी केले होते. त्यावर तसे काही होणार नाही. आमचे मस्त चालले आहे, असा विश्वास काँग्रेसचे नेते अशोक चव्हाण यांनी व्यक्त केला. तसेच मुनगंटीवार 'मुंगेरीलाल के हसीन सपने' पाहत आहेत, ते त्यांना पाहू द्या, असा टोलाही लगावला.

औरंगाबाद - भाजप नेते सुधीर मुनगंटीवार यांच्या बोलण्याला अर्थ नाही. महाविकास आघाडीचे काम उत्तम चालले आहे. मुनगंटीवार यांना 'मुंगेरीलाल के हसीन सपने' पाहण्याची सवय आहे. ते पाहू द्या. अशी टोला सार्वजनिक बांधकाममंत्री अशोक चव्हाण यांनी दिला आहे.

दरम्यान, भारतीय जनता पक्ष अजूनही शिवसेनेसोबत महाराष्ट्रात सरकार स्थापन करण्यास तयार आहे, असे वक्तव्य भाजप नेते सुधीर मुनगंटीवार यांनी केले होते. त्यावर तसे काही होणार नाही. आमचे मस्त चालले आहे, असा विश्वास काँग्रेसचे नेते अशोक चव्हाण यांनी व्यक्त केला. तसेच मुनगंटीवार 'मुंगेरीलाल के हसीन सपने' पाहत आहेत, ते त्यांना पाहू द्या, असा टोलाही मंत्री चव्हाण यांनी लगावला.

हेही वाचा -'... तर कोरेगाव-भीमा प्रकरणी चौकशीसाठी देवेंद्र फडणवीसांना देखील बोलावलं जाईल'

शिवसेना-भाजप संपर्कात आहेत असं बोललं जाते आहे. याबाबत तुम्ही त्यांनाच विचारा. मला तसे काही वाटत नाही, असे चव्हाण म्हणाले. तर जितेंद्र आव्हाड यांनी इंदिरा गांधी बाबत केलेले वक्तव्य त्यांनी मागे घेतले आहे. त्यामुळे त्यावर आता बोलणे योग्य होणार नाही. मात्र, महाविकास आघाडीच्या नेत्यांनी वक्तव्य करताना त्याचा परिणाम महाविकास आघाडीवर होणार नाही, याची दक्षता घेतली पाहिजे, असा सल्लाही त्यांनी यावेळी दिला.