औरंगाबाद (वैजापूर) -कोरोना लसीकरणाचे दोन डोस पूर्ण झालेले नसतानाही बोगस कोरोना प्रमाणपत्र देणाऱ्या टोळीचा औरंगाबाद पोलिसांनी पर्दाफाश केला आहे. याप्रकरणी पोलिसांनी दोन डाॅक्टरांसह ( Fake Covid Vaccination Certificate ) अन्य काही जणांविरुद्ध गुन्हा दाखल केला आहे. (Aurangabad Collector Sunil Chavhan) यातील डाॅ. मोहियोद्दीन शेख उर्फ अदनान शेख फहीम हा औरंगाबाद जिल्ह्यातील वैजापूर तालुक्यातील शिऊर प्राथमिक आरोग्य केंद्रात वैद्यकीय अधिकारी म्हणून कार्यरत आहे.
आरोग्य विभागाच्या अधिकाऱ्यांसह कर्मचाऱ्यांबाबत प्रश्नचिन्ह निर्माण झाले
गेल्या काही दिवसांपूर्वी त्याच्याकडे तालुका आरोग्य अधिकारी पदाचाही पदभार होता. (Action against Vaijapur Medical Officer) एवढेच नव्हे तर कोरोना लसीकरणाच्या पार्श्वभूमीवर त्याची एक चित्रफितही समाज माध्यमांवर व्हायरल झाली होती. चित्रफितीच्या माध्यमातून उपदेशाचे (Fake Vaccination Certificate Racket Busted in Aurangabad) डोस पाजणारा डाॅ. शेख या टोळीचा मुख्यसूत्रधार निघाला हे विशेष. त्यामुळे आरोग्य विभागाच्या अधिकाऱ्यांसह कर्मचाऱ्यांबाबत प्रश्नचिन्ह निर्माण झाले आहे.
सरकारी डॉक्टर आणि नर्सचा सहभाग असल्याचं समोर आले आहे
कोरोना लस घेतल्याचे बनावट प्रमाणपत्र देणारी टोळी जिन्सी पोलिसांनी सापळा रचून ( Gang Arrested Jinsi Police Aurangabad ) पकडली आहे. 500 ते 2000 रुपये देऊन बोगस प्रमाणपत्र देणाऱ्या डॉक्टर आणि नर्सवर कारवाई करत, काही जणांना पोलिसांनी अटक ( Four Arrested With Doctor In Aurangabad ) केली आहे. या टोळीमध्ये सरकारी डॉक्टर आणि नर्सचा सहभाग असल्याचं समोर आला आहे.
बोगस प्रमाणपत्र देणाऱ्यांमध्ये डॉक्टरांचा सहभाग
औरंगाबादचे जिल्हाधिकारी सुनील चव्हाण (Aurangabad Collector Sunil Chavhan) यांनी दिलेल्या आदेशानुसार, 15 डिसेंबरपासून लस न घेता रस्त्यावर येणाऱ्या नागरिकांना पाचशे रुपयांचा दंड आकारला जाणार आहे. त्यापूर्वी बनावट प्रमाणपत्र देणारी टोळी सक्रिय असल्याचं समोर आलं. विशेष म्हणजे या टोळीमध्ये सरकारी डॉक्टरांचा सहभाग असल्याचं समोर आला आहे. जिन्सी पोलिसांनी डॉ शेख रुझीउद्दीन फहिमउद्दीन (वय 27), डॉ शेख मोहीउद्दीन शेख फहिमन उद्दीन (वय 36), अबू बकर अल हादी अल हमीद (वय 23), मोहम्मद मुद्दस्सीर मोहम्मद अष्पाक (वय 21) या चौघांना अटक केली आहे.
असा रचला सापळा
जिन्सी परिसरात असलेल्या आरोग्य केंद्रात सिस्टर आढाव आणि शहेनाज शेख सरकारी कागदपत्रांवर लस घेतल्याच्या खोटी नोंद करुन बनावट प्रमाणपत्र तयार करत असल्याची माहिती जिन्सी पोलिस ठाण्याचे (Jinsi Police Station) निरीक्षक व्यंकटेश केंद्रे (PI Vyankatesh Kendre) यांना मिळाली. त्यांनी उपनिरीक्षक आनंत सांगळे यांना सोबत घेत बनावट ग्राहक तयार करून टोळीतील काही जणांशी संपर्क साधला. त्यावेळी प्रमाणपत्र देण्याची तयारी दर्शवली गेली. यावर वरिष्ठ अधिकाऱ्यांच्या मार्गदर्शनाखाली जमादार शेख गनी, जफर पठाण, संतोष बमनात, सरीता कुंडारे, परदेशी यांनी घेराव घालून डॉक्टर भावंडांसह कामगार अबूबक्र मोहंमद मुदस्सीर यांना व्यवहार करून प्रमाणपत्र देताना रंगेहात पकडले.
चारशेहून अधिक प्रमाणपत्र दिल्याचा संशय
याप्रकरणी जिन्सी पोलिसांनी अधिक तपास केला असता, या टोळीने औरंगाबाद शहरात चारशेहून अधिक बनावट प्रमाणपत्र दिल्याची प्राथमिक माहितीही समोर आली आहे. या सर्व टोळीत घाटी रुग्णालयात (Ghati Hospital In Aurangabad) कार्यरत असलेल्या डॉ. रझिउद्दीन या टोळीचे प्रमुख होते. त्यांच्या माध्यमातूनच ही टोळी काम करत होती, अशी माहिती पोलिसांकडून देण्यात आली आहे.
हेही वाचा -टीईटी पेपर फुटी प्रकरणी राज्यपरीक्षा परिषदेचे आयुक्त सुपे यांच्यासह दोघांना अटक
