लग्नाच्या वऱ्हाडावर काळाचा घाला; जीप-ट्रकचा भीषण अपघात; २ ठार १४ जखमी

गणेशपूर येथून खापरखेडा येथे लग्न संमारंभासाठी जात असलेली क्रुझर जीप व कन्नडहून पिशोरकडे येत असलेला टाटा टेम्पो या दोघांची पिशोर महामार्गावर समोरा समोर धडक बसली. ही धडक इतकी जोरात होती की, जीपमधील प्रवासी बाहेर फेकले गेले.

कन्नड (औरंगाबाद):-कन्नड शहराजवळ पिशोर महामार्गावर लग्नाचे वऱ्हाड घेऊन जाणाऱ्या क्रुझर जीप व टेम्पोचा भीषण अपघात झाला. या अपघातात दोन जण जागीच ठार झाले असून १४ जण गंभीर जखमी झाले आहेत. काही जखमींना कन्नड येथील ग्रामीण रुग्णालयात तर काहींना खासगी रुग्णालयात दाखल केले आहे.

गणेशपूर येथून खापरखेडा येथे लग्न संमारंभासाठी जात असलेली क्रुझर जीप (एमएच१६आर ४४९६) व कन्नडहून पिशोरकडे येत असलेला टाटा टेम्पो ४०७ (एम एच१०के ७७२४) या दोघांची पिशोर महामार्गावर समोरा समोर धडक बसली. ही धडक इतकी जोरात होती की, जीपमधील प्रवासी बाहेर फेकले गेले. या धडकेनंतर जीपचा अक्षरश: चेंदामेंदा झाला. या अपघातात दोन जण जागीच ठार झाले असून १४ जण गंभीर जखमी झाले आहेत. जखमींमध्ये लहान मुलांचाही सामावेश आहे. यातील जखमींना कन्नड येथे ग्रामीण रुग्णालयात तर काहींना खाजगी रुग्णालयात उपचारासाठी दाखल करण्यात आले आहे.

सदर अपघातामधील मयत व्यक्तींची नावे

1) गोकुळ संतोष काकरवाल वय 16 वर्षे (गणेशपूर)
2) शांताराम संतोष पवार (वय 35) चिंचोली लि.

जखमींची नावे

1) लखन भगवान मेहर वय 21 वर्षे
2) देवसिंग नारायनसिंग निमवाल वय 26
3) संतोष फकिरचंद खोलवाल वय 30
4) अनिल रतनसिंग काकरवाल वय 16
5) सुभाष पवार वय 34 वर्षे
6) सुनील संतोष काकरवाल वय 30 वर्षे
7) रायसिंग नारायण निमवाल वय 30 वर्षे
8) अजय दिलवाल वय 21 वर्षे
9) संजय फकिरचंद बारवाल वय 38 वर्षे (सर्व रा गणेशपूर ता कन्नड)

डॉ छलानी हॉस्पिटलमध्ये दाखल जखमींची नावे

10) करण विजू खोलवाल
11) राजू खोलवाल
12) शामसिंग काकरवाल
13) बहादूर खोलवाल सर्व रा गणेशपूर ता कन्नड
टेम्पो मधील जखमी नामे
14) शेख अलीम अब्दुल रा करंजखेडा ता कन्नड