अमरावती - जिल्ह्यातील धामणगाव-यवतमाळ बायबास रस्त्यावर कापसाचा ट्रक उलटल्यामुळे वाहक-चालकासह ७ जण जखमी झाले आहेत. यामध्ये दोघे गंभीर जखमी झाले आहेत.जखमींना उपचारासाठी अमरावती येथील रुग्णालयात पाठविण्यात आले आहे.ही घटना रविवार दिनांक २६ मे रोजी सायंकाळी ६ वाजताच्या सुमारास घडली.
काटा करून ट्रक क्रमांक एम.एच.४०-वाय १०८६ हे कासारखेडा येथे कापूस भरण्यासाठी जात होता.दरम्यान धामणगाव-यवतमाळ बायपासवर लालाजी पेट्रोल पंपाजवळ आल्यावर अचानकपणे ट्रक उलटला. यामध्ये विजय रामकृष्ण इंगळे (वय ५०) व अरुण वासुदेव इंगळे (वय ४०), प्रवीण विजय इंगळे (वय ३२), चेतन सतीश इंगळे (वय २५),उमेश शंकर इंगळे, ट्रक चालक आनंद झटाले (वय २८ रा. काटपुर, ता.मोर्शी) हे जखमी झाले आहेत. जखमींना तत्काळ येथील ग्रामीण रुग्णालयात दाखल करण्यात आले. अपघातात विजय इंगळे व अरुण इंगळे हे दोघे गंभीर जखमी झाल्यामुळे त्यांना उपचारार्थ अमरावती येथील रुग्णालयात पाठविण्यात आले. चालकाचे ट्रकवरील संतुलन बिघडल्याने अपघात झाल्याची प्राथमिक माहिती पोलिसांनी दिली आहे. या घटनेचा तपास पोलीस करत आहेत.
