राष्ट्रीय महामार्गावर तीन ट्रक एकमेकांवर आदळले; एक चालक ठार

आज पहाटे अमरावती येथून ट्रक क्र. (एम. एच. २७ बी.एक्स ७३७३) हा सोयाबीन घेऊन अकोला जिल्ह्यातील बाळापूरकडे निघाला होता. प्रवासादरम्यान अचानक ट्रकची चेसीस तुटली व ट्रक मध्येच अडकला. ट्रक मधेच अडकल्याने त्याच्या मागून देशी दारू वाहून नेणारा ट्रक त्यावर आदळला. त्याचाच पाठोपाठ शासकीय डाक वाहून नेणारा ट्रक हा देखील दारू वाहून नेणाऱ्या ट्रकवर आदळला.

अमरावती- राष्ट्रीय महामार्गावर आज पहाटे तीन ट्रक एकमेकांवर आदळून झालेल्या अपघातात एक चालक जागीच ठार झाला. ही घटना आज सकाळच्या सुमारास घडली. तिन्ही ट्रक एका पाठोपाठ अकोलाच्या दिशेने जात असताना हा अपघात घडला.

आज पहाटे अमरावती येथून ट्रक क्र. (एम. एच. २७ बी.एक्स ७३७३) हा सोयाबीन घेऊन अकोला जिल्ह्यातील बाळापूरकडे निघाला होता. प्रवासादर्म्यान अचानक ट्रकची चेसीस तुटली व तो मधेच अडकला. ट्रक मधातच थांबल्याने त्याच्या मागून देशी दारू वाहून नेणारा ट्रक त्यावर आदळला. त्याचाच पाठोपाठ शासकीय डाक वाहून नेणारा ट्रक देखील दारू वाहून नेणाऱ्या ट्रकवर आदळला. या भीषण अपघातात डाक वाहून नेणाऱ्या ट्रकचे चालक शपरूजी अंतरुजी नेवाडे (वय. ४८, रा.नागपूर) हे घटनास्थळीच ठार झाले.

घटनेची माहिती मिळताच गाडगेनगर पोलीस ठाण्याचे उपनिरीक्षक जामकर हे पोलीस ताफ्यासह घटनास्थळी दाखल झाले. त्यानंतर डाक वाहून नेणाऱ्या ट्रकच्या चालकाचा मृतदेह केबिनमधून बाहेर काढण्यात आला व त्याला जिल्हा सामान्य रुग्णालयात हालविण्यात आले. या अपघातानंतर देशी दारू वाहून नेणाऱ्या ट्रकमधील दारू मोठ्या प्रमाणात रस्त्यावर वाहून गेली होती. या घटनेमुळे राष्ट्रीय महामार्गावरील वाहतूक काही काळ खोळंबली होती.

हेही वाचा-भीम ब्रिगेड अध्यक्षाचा आत्महत्येचा प्रयत्न; आमदार रवी राणा विरुद्ध कुटुंबीयांची तक्रार