अमरावती:पहिले शैक्षणिक सत्र आज संपल्यावर उद्यापासून लागणाऱ्या दिवाळीच्या सुट्ट्यांपूर्वी चांदुर रेल्वे तालुक्यातील बासलापूर येथील जिल्हा परिषदेच्या प्राथमिक शाळेत चिमुकल्यांनी दिवाळी साजरी झाली. शाळेत विद्यार्थ्यांनी दिवे लावले, फटाके फोडलेत, शिक्षकांच्या वतीने त्यांना फराळही वितरित करण्यात आला आहे.
विद्यार्थ्यांची शाळेतच दिवाळीचे दिवे, फटाके फोडले आणि फराळाचाही घेतला आस्वाद
विद्यार्थ्यांनी बनवले शाळेत दिवे:दिवाळीनिमित्त एक आगळावेगळा उपक्रम म्हणून बासलापूर येथील जिल्हा परिषद शाळेतील Zilla Parishad School at Baslapur विद्यार्थ्यांनी शाळेतच मातीचे दिवे बनविले. या दिव्यांना चिमुकल्यांनी रंगदेखील दिले. आम्ही स्वतः बनविलेले आणि रंगवलेले दिवेच दिवाळीला घरी लावू, असे या विद्यार्थ्यांनी ईटीव्ही भारतशी बोलताना सांगितले आहे.