Ganeshotsav 2021 : पथ्रोटच्या तरुणीने साकारला गणरायांचा विठ्ठलरुपी देखावा

अमरावती जिल्ह्यातील अंजनगाव सुर्जीमधील एका तरुणीने पंढरीचा देखावा साकारला आहे. ज्यामध्ये विठ्ठलाच्या वारकऱ्यांना पंढरीची लागलेली आस दाखवण्यात आले आहे. पथ्रोट येथील पूजा डवरे या तरूणीने आपल्या घरी हा देखावा साकारला आहे. डवरे कुटुंब गेली सहा वर्षांपासून आपल्या गणेश उत्सवाच्या देखाव्यातून विविध सामाजिक संदेश देऊन गणेश उत्सव साजरा करतात.

अमरावती -राज्यात कोरोनाचे सावट असले तरी साध्या पध्दतीने गणेश भक्त यंदाही गणेशोत्सव साजरा करत आहे. दरवर्षी अनेक जण विविध देखाव्याच्या माध्यमातून गणपतीच्या निमित्ताने सामाजिक संदेश देत असतात. यंदा कोरोनाची परिस्थिती अनेक कलाकारांनी आपल्या देखाव्यातून साकारली आहे. कोणी कोरोना योद्धाची तर कुणी मुंबई महानगर पालिकेच्या कारभारात विषयी देखावे साकारले आहे. तर अमरावती जिल्ह्यातील अंजनगाव सुर्जीमधील एका तरुणीने पंढरीचा देखावा साकारला आहे. ज्यामध्ये विठ्ठलाच्या वारकऱ्यांना पंढरीची लागलेली आस दाखवण्यात आले आहे. पथ्रोट येथील पूजा डवरे या तरूणीने आपल्या घरी हा देखावा साकारला आहे. डवरे कुटुंब गेली सहा वर्षांपासून आपल्या गणेश उत्सवाच्या देखाव्यातून विविध सामाजिक संदेश देऊन गणेश उत्सव साजरा करतात. यंदाही अशोक डवरे यांची मुलगी पूजा व सुरज या बहिण भावांनी सामाजिक परिस्थितीवर घरगुती गणेश उत्सवाच्या माध्यमातून संदेश दिला आहे.

कोरोनामुळे मागिल वर्षापासून भक्त पंढरपूरला जाऊ शकत नाही. त्यामुळे पांडुरंगाच्या वारकऱ्यांना पंढरपूरला जाऊन विठ्ठलाचे दर्शन घेण्याची आस लागली आहे. अशा प्रतिकृती देखाव्याच्या माध्यमातून पूजा डवरे यांनी साकारली आहे. यात विठ्ठलाची पंढरी, वारकरी संप्रदाय, पाऊले चालती पंढरीची वाट, संत ज्ञानेश्वर महाराज, आळंदी ग्रंथ, जगद्गुरु तुकाराम महाराज, छत्रपती शिवाजी महाराज यांची ऐतिहासिक भेट, रखुमाई, तसेच राज्यातील शेतकऱ्यांवर असलेले संकट, शेतकऱ्यांचे होणारे नुकसान या परिस्थितीवर पूजा डवरे हिने आपल्या संकल्पनेतून भाष्य केले आहे. सामाजिक बांधिलकी म्हणून डवरे कुटुंब मागील अनेक वर्षांपासून समाजाला संदेश देत आहे.

हेही वाचा -पुण्यातील 400 वर्ष पूर्वीचे गणेश मंदिर 'खिंडीतला गणपती'; जाणून घ्या इतिहास