अमरावती -प्रजासत्ताक दिनाच्या पूर्व संध्येला केंद्र सरकारकडून पोलीस खात्यात चांगली कामगिरी करणाऱ्या पोलीस अधिकाऱ्यांना विविध पदके जाहीर करण्यात आली होती. यामध्ये सध्या अमरावती जिल्ह्याच्या परतवाडा येथील पोलीस ठाण्यात पोलीस निरीक्षक पदावर कार्यरत असलेल्या सदानंद मानकर यांना राष्ट्रपती पोलीस पदक पुरस्कार जाहीर करण्यात आला आहे.
सदानंद मानकर (पोलीस निरीक्षक, परतवाडा पोलीस ठाणे)
2001 मध्ये बुलडाणा जिल्ह्यामध्ये एका गावात महापूर आला होता. त्या पुरामध्ये अडकलेल्या 12 लोकांना जीवदान देण्यात मानकर यांचा मोलाचा वाटा होता. त्यामुळे तेव्हा येथील खासदार यांनी सुद्धा त्यांचा सत्कार केला होता. त्यानंतर त्यांच्या अतुलनीय कार्याची दखल ही प्रशासनाने घेत त्यांना आता पोलीस पदक जाहीर झाले आहे.