अमरावती - राज्य सरकारने पोलीस पाटील यांच्या मानधनात एप्रिल महिन्यापासून 6500 रुपये इतकी वाढ केली आहे. मात्र, जिल्ह्यातील पोलीस पाटील यांना एप्रिल, मे ,जून या महिन्या पर्यंतचेच मानधन मिळाले आहे. तर जुलै महिन्यापासून ते आतापर्यंत कुठलेही मानधन त्यांना मिळालेले नाही. म्हणून अंजनगाव सुर्जी आणि दर्यापूर तालुका पोलीस पाटील संघाच्या वतीने जिल्हाधिकारी कार्यालयावर धडक देण्यात आली. त्यांच्याकडून पोलीस अधीक्षक आणि अप्पर जिल्हाधिकारी यांना निवेदन देण्यात आले. यावेळी थकलेले मानधन तात्काळ देण्याची मागणी प्रशासनाकडे करण्यात आली आहे.
अमरावतीत पोलीस पाटीलांची जिल्हाधिकारी कार्यालयावर धडक