अमरावतीत पिस्तूल आणि जिवंत काडतुसासह २ आरोपी अटकेत

अमरावती शहरातील चित्रा चौकात पोलिसांनी दोन संशयितांची झडती घेतल्यानंतर त्यांच्याकडे पिस्तुल आणि धारदार शस्त्रे सापडली.

अमरावती - शहरातील चित्रा चौक येथे स्थानिक गुन्हे शाखेच्या पथकाने २ आरोपींना अटक केली. यावेळी त्यांच्याकडे एक पिस्तूल, जिवंत काडतूसे आणि इतर धारधार शस्त्रे जप्त करण्यात आली.

चित्रा चौकात पोलिसांनी दोन संशयितांची झडती घेतल्यानंतर त्यांच्याकडे पिस्तुल आणि धारदार शस्त्रे सापडली. पवन राजाभाऊ देशमुख (२१ रा.चांदुर बाजार) मोहमद इमरान मो.जमील (३० रा. नुर नगर) अशी या आरोपींची नावे आहेत. पोलिसांनी आरोपींकडील शस्त्रास्त्रे जप्त केली असून घटनेचा पुढील तपास पोलीस आयुक्त संजय बावीस्कर याच्या मार्गदर्शनाखाली सुरू आहे.